有時香港的消費者真係好麻煩，又唔用腦。
今日午餐在茶餐廳
食客A: 碟飯的豬肉太肥可否換過碟？
伙記: 小姐，你果碟係梅菜扣肉飯，有肥肉係正常的。
食客A: D肉太肥，我唔想要，換過碟啦……
伙記: 換咗都係差不多架，不如食其他野。
食客A: 總之我要梅菜扣肉飯，唔要咁肥。
伙記: ……咁好啦……四號檯轉「梅菜瘦肉飯」，記得用瘦肉，瘦肉呀!
遠處廚房傳來一把聲……XYZ%＃ 邊L個*。%咁 X巴閉呀，四十蚊個餐咁多要求 ……?"*"@＃XYZ
某Food Court
食客B: 唔該我要杯熱水
店員: 唔好意思，今日熱水機壞咗，無熱水供應
食客B: 咁……我要一杯暖水
店員: 唔好意思，都無呀
食客B: 搞錯呀，乜野都無……
店員: 你仲需唔需要點餐？
食客B: 我淨係想要熱水，你地都無……
店員: 個餐牌都無寫有熱水供應……