2016年香港小姐冠軍誕生！賽前大熱門、有「甫士王」之稱的6號佳麗馮盈盈(Crystal)，最終以36,679票稱後！而2號劉穎璇及7號陳雅思則為亞軍及季軍。其實Crystal本已是港大女神，自初選起已經備受關注，一直以來人氣有增無減，最後以高票勇奪后冠可謂實至名歸！事不宜遲，依家小編同大家齊齊欣賞大量Crystal的靚相，深入認識呢位出爐港姐冠軍，原來佢除了樣靚有學識，仲係個一等一好家姐！
首先重溫一下Crystal昨晚的表現！無論係時尚舞衣、三點式泳衣還是高貴晚裝佢都係著得咁靚，另外唔少嘉賓及評判都大讚Crystal自信滿滿、說話大方得體且轉數夠快，好適合做主持！
在最後的拉票環節中，Crystal特別多謝爸爸在百忙中日日追睇自己的新聞，亦不遺餘力幫手拉票，所以自己一直好努力，希望爸爸能感到驕傲！Crystal一邊講一邊喊到收唔到聲，場面感人！
最後Crystal在眾望所歸下以36,679票勇奪香港小姐冠軍，並由上屆冠軍麥明詩為佢戴上后冠及送上權杖。
Crystal奪冠後即獲另外幾位佳麗及眾司儀的熱烈祝賀，呢個畫面… 同上年咁唔同嘅？
Crystal媽媽亦有現身支持愛女，唔少觀眾都大讚馮太年輕又靚女！
Crystal出生於1994年，芳齡22歲，身高165cm，畢業於香港大學食物及營養學系，同時係一名兼職模特兒。其實佢在參選前已經甚有人氣，有「港大女神」之稱，社交網站有唔少粉絲；而當選港姐冠軍後，粉絲數目更是激增！
Crystal五官標緻、皮膚白晢，眼大大又笑容燦爛，另外身材均勻，手腳纖細，難怪由初選到奪冠都被封為大熱！
參選港姐前已有大量工作機會，大家又最喜歡佢邊個造型呢？
唔好睇Crystal弱不禁風，其實佢都有硬朗的一面！早前佢與其他佳麗到日本拍攝外景，其中要接受劍道訓練，見到Crystal拎起木劍有板有眼，眼神凌厲，當時有唔少男觀眾都紛紛被佢認真的樣子迷倒！
Crystal有幾受歡迎？連網絡紅人司徒夾帶都曾經搵佢拍片就可見一斑！不過當時的Crystal好似比較豐滿？
細細個已經好識擺甫士！
大家見到Crystal在台上喊曬口多謝爸爸，就知道佢非常重視家人，原來佢除了係一個孝順女，仲係一個好家姐！話說Crystal有一個年紀相差四年的細佬，但細佬兩歲時已被診斷患有腎病，不時都要進出醫院，飲食方面要嚴格控制。所以Crystal好早就立志要做註冊營養師，可以運用自己的專業知識幫助細佬及家人！最後成功考入香港大學食物及營養學系，咁好的女仔去邊搵？
Crystal又靚女又有學識又愛錫家人，肯定係唔少人心中的模範女朋友！不過唔好意思，人哋依家有男朋友，男士們可以死咗條心……
一年一度的香港小姐選舉已於昨晚(11/9)圓滿結束，今屆的香港小姐質素相當平均，每個都年輕貌美、智慧與才華並重，實在很難預測哪個會戴上冠軍后冠，最後由賽前被視為冠軍大熱的馮盈盈(Crystal)成為今屆的香港小姐冠軍。
1. 港大校花
不要以為年紀輕輕、只有22歲的Crystal是個乳臭未乾的女生，原來她於香港大學修讀食物及營養學，今年剛剛畢業。憑著修長外型、甜美樣貌，Crystal更有著「港大校花」的稱號，不過她自己卻笑言沒有朋友會這樣稱呼她，身邊有很多人比佢更美。
2. 為弟弟而讀
Crystal曾接受訪問，指自己修讀營養學是為了她的弟弟。原來她弟弟2歲時被診斷患有腎病，免疫力亦很差，所以飲食方面要控制得很好。正正因為這樣，Crystal自細便決心要當個營養師，運用自己的專業知識去打理弟弟及家人的飲食習慣。
3. 兼職模特兒
Crystal便中學及大學期間已經常接拍模特兒工作，不時會當平面及宣傳模特兒。她還經常參與cosplay活動，甚至曾打扮成大熱的緣子小姐，迷倒一班宅男！
4. 《百變美人季》冠軍
之前Crystal曾獲邀參加《百變美人季》的大中華總決賽及亞太區總決賽，不但有著漂亮的外表，加上在問答環節上大方得體的回答，Crystal勇奪冠軍，成為化妝品牌的亞太區廣告代言人，到美國拍攝廣告硬照。
5. 有男朋友
Crystal人又靚、又高學歷、又大方得體，當然是不少男生心目中的女神。可惜，Crystal已經有了男朋友，男生們可以死心了。之前Crystal曾於社交網站上載跟男朋友的合照，不過為免男朋友的私人生活受到影響，現在已將合照刪走，果然是個好女友！
6. 真‧港姐
港姐決賽剛完成，馮盈盈隨即便被爆出佔中期間曾於facebook上爆粗狂鬧對政府的不滿。不少網民大指Crystal夠貼地，欣賞她「女漢子」的性格，更指她是真‧港姐。當然，亦有網民質疑她進入大台後還是否如此敢言，希望她能夠保持真我。