電視城發電廠 蔡思貝 ，最近趁男友麥秋成北上賺錢，寂寞難耐的她立即找「好朋友」解悶！日前收工後，她被發現與大孖周志文看電影，完場後更前後腳驅車往周志文公屋偷歡18小時！
大孖一早到了戲院買定熱狗、汽水等候，蔡思貝身穿背心透bra現身，二人見未夠鍾入場，即走到角落暗位談情！聊天至一半，蔡思貝突然興起，邊哼歌邊扭腰跳舞，而對方也看到眼定定......
前後腳返男方家偷歡
電影完場後，二人雖然前後腳離開，但分別驅車到藍田平田村大孖的寓所，而蔡思貝更使用男友麥秋成的紅色座駕去偷歡，18小時都不見人出來！翌日大孖終於現身，原來是出去買外賣喂飽蔡思貝，期間他發現記者，即急腳沖入樓，這時大孖立刻call救兵，由二人變四人，扮非二人獨處一室！
蔡思貝拒回應
記者之後問到周志文公屋過夜一事， 蔡思貝一聽到大孖的名字，立即不停耍手擰頭笑住說：「不答喇！不好意思！不答喇！」然後火速關上車門離開。
周志文：對她有好感
周志文受訪聲稱現時單身，直認蔡思貝曾到其寓所過夜，又表示對她有好感！
周：周志文 記：周刊記者
記：聽講最近你同蔡思貝行得好埋？
周：我哋系好好朋友！
記：成日單獨約會喎？
周：我哋成班朋友成日見面！
記：上個星期蔡思貝去咗你屋企過夜喎！
周：上個星期？有一大班朋友過咗嚟我屋企！
記：上去咁多粒鍾搞咩？
周：Jam歌！作咗歌想朋友俾啲意見！
記：驚唔驚蔡思貝男友麥秋成唔鍾意？
周：朋友見面ok慨，我細佬同羅孝勇都系度！
記：依家有無拍拖？
周：都想搵個伴慨！
記：對蔡思貝有無好感？
周：有，對渠有好感，有好感先做到朋友！