其實我都唔知係咪唔開心，但講下會比較舒服。
我鍾意咗個女仔，佢係佐敦嘅一間樓上吧做啤酒Sales，我第一次見到佢係係我朋友個B-day Party上面，佢嚟Sale我地酒，本身我地都唔係太好飲酒果D，但我有個Fd似乎係幾lum佢，佢同個女仔叫咗一打酒，不過個fd好屎，飲唔夠半打就貓咗，過咗2個鐘個女走埋嚟再sale我地order，我先同佢傾下計，問佢幾點落場，叫佢落場同我地一齊玩，佢又OK。結果我地玩到4點幾先一齊走，大家都醉咗，佢主動同我去咗附近間時鐘爆房。唔記得有無用套，好似無，但醉到咩咁，第二朝瞓到11點先知醒，起身已經唔見咗佢。
事後我覺得自己係有掛住佢，有想見到佢嘅感覺，果晚我都無問佢攞到電話，平時我都唔去果間bar，所以都無特登去搵佢。如事者過咗兩個星期左右，我發覺下面有D痛痛地，好似有D發炎咁，咁我當然好驚啦，搵咗好多資料睇，最後去咗政府診所睇醫生，不過我最估唔到嘅係，當我睇醫生果日，我見返佢。我無諗到我地第2次嘅見面會係油麻地果間社會衛生科部Lift度，我係四樓睇完醫生，搭Lift落樓，係三樓開門見到佢入Lift，我諗呢個世界最尷尬嘅巧恰係莫過於此。我地係直頭打個照面，部Lift得我地2個，我認得佢佢認得我，我有同佢打招呼，佢都有同我Say hi，但之後已經無嘢講，一開Lift門佢就急急腳咁走出去。
老賓講我都唔係一個乖仔，間唔中我都有去玩，但我玩得都好安全，次次都會用。其實我都唔知係佢惹我定我惹到佢，但我發覺我自己其實都仲有鍾意佢，但個情況太尷尬，我都唔知如果我去搵佢會點。
其實我想知道油麻地果間社會衛生科嘅3樓係咪一定淨係for女仔睇果D嘢架？定係有其他嘢可以睇。