查看相片
香港藝人何其多，但係你鍾意嘅又有幾多個？有網民就搞搞新意思票選佢哋最厭惡嘅十大無綫藝員。經過一場龍爭虎鬥之後，暫時賽果如下：
第十位：羅鈞滿
羅鈞滿自出道以來負面新聞一籮籮，先有醉駕再醉駕、擦公司鞋、仲成為負皮王，更引申到網絡潮文《做人別太羅鈞滿》、被指瞞正印張文采飛韓國溝空姐、喺韓國撩江湖大佬女友搞到被屈錢，最後仲要高層「珊姐」搵律師幫手。雖然無綫之前俾機會佢喺節目公開認錯，不過睇嚟冇咩用喎。
查看相片
第九位：黃翠如
本 身貴為宅男女神嘅翠如BB，自然得嚟唔造作嘅個性得到唔少觀眾支持，不過自從翠如BB極速上位後，差唔多套套劇都做第一女主角，只可惜演技麻麻、俾網民插 佢話每個表情都一樣。加上搭上蕭正楠之後人氣開始下滑、佢又表示好驚粗口，不過又被網民翻出以前佢喺節目中話過：「人生有些時候，難免很想說髒話」，被批 評偽善。嚟緊播出嘅劇集《為食神探》都會有翠如BB嘅演出，唔知到時佢嘅排名會唔會上升呢？
查看相片
第八位：陳凱琳
雖然陳凱琳經常被網民狂插佢演技差、誇張造作兼成日超高音尖叫，不過其實網民最睇唔過眼嘅就係佢明明無實力，但係就瘋狂被力捧。麻煩大家留意返，《巨輪II》喺月尾就出街，到時又會見到陳凱琳㗎啦！
查看相片
第七位：陳百祥
其 實每一次有類似嘅排行榜，叻哥都一定榜上有名。一向言論出位嘅佢近排喺節目大談新世代，批評網民「憎人富貴厭人貧」，又指年輕人「讀壞書」，仲話黃之鋒連 「八間大學」也考不入，點話佢叻喎！咪搞到一班網民又再圍插佢囉！另外，最近叻哥亦為巴西里約奧運節目擔任主持，不過期間佢嘅「偉論」就引起觀眾不滿。佢 將單車選手喺凱琳賽嘅排位比喻做賽馬中嘅排位，仲話排第一檔嘅都會輸，但係偏偏初賽嘅時候李慧詩就好爭氣咁喺第一排位勝出。有網民好嬲咁留言問佢係唔係想 毒害體育運動。
查看相片
第六位：李思捷
被喻為「媾女王」嘅李思捷，緋聞多多。佢之前嘅《今晚睇李》又俾人踢爆係抄外國清談節目；近排佢套新劇《超能老豆》亦唔太收得。睇怕今次呢套sell溫情嘅劇亦未能挽回觀眾對佢心目中嘅花弗形象。
查看相片
第五位：林師傑
喺 處境劇扮乖仔「木偶哥」嘅林師傑星途麻麻，不過就經常見報。緋聞不斷嘅佢先後有過唔少緋聞女友，連佢舊愛鄧穎芝都暗寸佢隔日就影到一個。不過自從佢被「無 綫咪神」歐陽巧瑩私有化後，周不時喺社交網站大曬恩愛。早前仲傳佢哋已經喺圍村擺酒秘密結婚添，不過又話經高人指點後，40歲先會考慮結婚，因為怕早婚會 離婚喎～
查看相片
第四位：林盛斌（Bob）
本來主持了得又搞笑嘅林盛斌（Bob）都幾有觀眾緣，接到唔少Job。不過唔知係咪因為之前同吳若希一齊主持《街頭魔法王》系列成日講「俾啲掌聲啦！」，煩到大家唔想睇呢？
查看相片
第三位：蔡思貝
蔡思貝又名「高音貝」、「達哥」嘅佢同樣係無綫力捧花旦之一。雖然演技幼嫩，不過就經常做女一。唔少網民都話見到佢都想轉台，不過可能早排播出嘅《純熟意外》入面佢唔再係天真少女，把聲冇之前咁高音，反而網民覺得佢有進步，所以未至於去到第一位。
查看相片
第二位：吳業坤
本來大家都好同情吳業坤，有唱功但不被無綫重用更被淪為棋子。但自從佢拎咗男歌手獎之後就似乎鬆毛鬆翼，經常亂講嘢。而且唔知係咪紅咗之後多咗女埋身，緋聞越來越多，搞到以前傻傻戇戇嘅宅男形象冇曬，變咗偽毒坤。
查看相片
第一位：吳若希
洗 腦歌后吳若希憑著佢把雞仔聲、幼嫩演技、同超高嘅曝光率成功成為最令人厭惡嘅藝員第一名，「煩膠」形象深入民心。自從《越難越愛》之後，吳若希主唱嘅主題 曲真係多到數唔曬，聽到你同我都覺得煩。同埋喺《街頭魔法王2》同埋《街頭魔法王之魔王之王》入面，每當魔術師表演完，佢就會用高八度聲線講「典解嘅？典 解嘅？」、「好犀利呀！」、「Louis你好叻呀」、「好打耳！」等等，佢成日都We嘩鬼叫，真係睇到大家覺得好厭惡。加上佢近期又經常放閃光彈，搞到一 班宅男粉絲走曬，睇嚟佢真係要諗諗計！
查看相片
#lol #editorpick #featured