查看相片
台 灣天后蕭正軒（Elva）一向感情生活豐富，歷任男友十隻手指數唔曬，愛情比事業仲精彩嘅佢最近又拍拖啦！Elva喺37歲生日就被網友目擊與新歡拖手同 遊曼谷，據知新歡Michael年僅24歲，身形健碩又靚仔，唔講唔知原來Elva嘅緋聞史上位位都係1.8米以上嘅型男，有好多仲要係細個佢添呀，今日 就同大家重溫一下Elva嘅歷任男友／緋聞男友啦！
2016年 － Michael Chen（24歲與Elva年齡差距13年）
有 指好朋友孫瑩瑩介紹下認識年僅24歲嘅美籍台灣男友Michael Chen，近日佢哋就被網友目擊喺曼谷街頭拖手而令戀情曝光。有報道指Michael仲讀緊大學，係一名高爾夫球運動員，佢仲曾經代表學校參賽奪得亞軍。 蕭正軒已經喺IG大曬恩愛，上載與新歡l打golf嘅影片。
查看相片
2016初 － Michael（40歲與Elva年齡差距3年）
喺好朋友楊秀介紹下認識美籍男友Michael，可惜拍拖4個月就分手。
2014年7月 － 石正祥（Elroy）（32歲與Elva年齡差距5年）
與柯震東分手後，吳建豪舅仔石正祥（Elroy）喺美國飛到台灣陪佢，7月底公開戀情，12月仲喺社交網站po相放閃。不過有報道指喺上年7月鬧交後，因性格不合決定分手，做番普通朋友。
查看相片
2012年4月 － 柯震東（25歲與Elva年齡差距12年）
蕭亞軒與柯震東被拍拖手相而令戀情曝光，同年11月柯震東終於承認Elva係佢最喜歡嘅女朋友，但係被指因價值觀落差大，柯震東透過經紀人宣布回復單身。
查看相片
2011年－ 劉德祖（35歲與Elva年齡差距2年）
馬來西亞富商劉德祖喺杜拜疑似向Elva求婚嘅影片流出，傳男方豪擲超過100萬英鎊（約港幣1000萬元）喺私人沙灘排愛心蠟燭、放煙花、食燭光晚餐，之後送珠寶向佢求婚，但最後Elva婉拒其好意。
2010年8月 － 梁耀基（Keo Leung）（29歲與Elva年齡差距8年）
蕭亞軒與香港男模Keo Leung喺夜店相識，之後仲俾傳媒爆出佢哋已經熱戀2個多月，之後蕭亞軒喺微博留言暗示男方用佢嚟炒作新聞，Keo Leung就表示喺夜店識佢但唔明點解會傳緋聞。
2010初－ 周湯豪（28歲與Elva年齡差距9年）
有指蕭亞軒當時經歷喪母之痛，周湯豪經常陪伴在側同佢渡過難關，期間仲被傳媒影到接周湯豪去Elva屋企密會4小時及被目擊喺原宿約會，但半年後就傳出分手。
查看相片
2009年 － 李威（36歲與Elva年齡差距1年）
蕭亞軒與李威傳出戀情，期間指李威成日去Elva屋企約會，雖然雙方都話係去打麻將，不過就有知情人爆料話佢哋處於半同居狀態，但佢哋一直否認戀情。
查看相片
2008年 － 李安卓（31歲與Elva年齡差距6年）
同樣係合作拍攝MV，蕭亞軒與混血巴西男模李安卓喺MV《表白》相識，期間俾傳媒影到佢哋喺街熊抱熱吻，仲傳過佢哋共赴曼谷渡假，不過戀情維持1年多。
查看相片
2007年 － 白梓軒（30歲與Elva年齡差距7年）
有傳拍攝MV《錯的人》時與中英混血男模白梓軒擦出火花。
查看相片
2005年 － 毛加恩（33歲與Elva年齡差距4年）
喺05年3月蕭亞軒宣布與王陽明分手之後，迅速與籃球選手毛加恩撻著，可惜戀情只維持3個月，兩人便各自與舊愛復合。
查看相片
2003年 － 王陽明（33歲與Elva年齡差距4年）
2003年一次派對上與有「台灣第一帥」之稱嘅高帥富型男王陽明（Sunny）相識並迅速墜入愛河，佢哋戀情維持咗3年，05年3月蕭亞軒宣布分手，分手幾個月之後又復合，直到2006年正式分手。
查看相片
2003年9月 － B.A.D的成員田恩沛Alex（就37歲與Elva同年出世）
Elva經朋友介紹認識已解散團體B.A.D成員Alex（田恩沛），二人隨即傳出緋聞，甚至有人目擊Alex睇佢嘅演唱會及被傳媒影到Alex陪蕭亞軒媽媽睇樓，不過蕭亞軒卻極力否認，聲稱佢哋只係好朋友關係。
查看相片
2002年 － 隆宸翰（39歲與Elva年齡差距2年）
佢係Elva入娛樂圈後公開承認嘅第一任男朋友，但係疑因隆宸翰與好姊妹侯湘婷出軌，雙方感情僅維持半年Elva就提出分手。
留學時 － 祝釩剛（37歲與Elva同齡）
蕭亞軒喺溫哥華參加歌唱大賽選拔時與祝釩剛相識及相戀，不過後來蕭亞軒因獲賞識回台灣發展而無奈分手。