今年系TVB50周年慶典
下半年嘅劇集都會落重本去製作
就比如上個月啱播完嘅《城寨英雄》
依家諗翻起花曼嘅玉背都想流鼻血
嚟緊TVB仲有幾部大製作
在此同大家預告下先
《致命復活》
演員陣容非常有睇頭
個個都系實力派
郭晉安、王浩信、謝雪心、萬綺雯
故事講述
男主角因為意外失蹤10年
大家都以為佢死咗
身家被分、老婆改嫁
佢卻突然出現喺大家眼前，話系翻嚟復仇
背後究竟有乜隱情？
《 幕後玩家 》
雖然對黃翠如嘅演技唔系特別期待
但主要有Bosco大靚仔
仲有張繼聰
兩大男神
一定要支持
《溏心風暴3》
前兩部《溏心風暴》可謂群星雲集
既有一班老戲骨撐台面
仲有一眾花旦小生飆戲
真系睇得好過癮
不過《溏心風暴3》開拍
就有消息放出話好多舊角色都要換人
如果搵蔡思貝、陳凱琳做替補
《溏心風暴》就冇曬味道了
雖然監製有公開話
會盡力湊齊原班人馬
不過林峯離巢、嘉欣湊B、法拉去咗讀書...
連夏雨都改簽咗HKtv
哩次想延續經典
恐怕就有小小難度了
《深宮計》
想當年《宮心計》
簡直就系
TVB版嘅《甄嬛傳》
將後宮嘅爾虞我詐，明爭暗鬥演繹得淋漓盡致
女人心，海底針
楊怡奸到出汁
睇到觀眾咬牙切齒
一個眼神、一個巴掌每幀都系戲啊
據說本次《宮心計》嘅姐妹篇《深宮計》
將選用岑麗香及朱千雪等生力軍
周麗淇亦很有可能加盟
除此之外
梅小青已經搵到合作無間嘅馬浚偉
重返娘家
飾演唐朝皇帝
作為《宮心計》嘅升級版
《深宮計》會接近電影製作模式
36集劇拍足半年
絕對系TVB近年重本之作
值得期待呀！
《使徒行者2》
作為續集嘅《使徒行者2》
並非延續第一部《使徒行者》劇情
而系一部
前 傳
將揭開諸多之前嘅未解之謎
在第一部中
第一集就有個咁嘅情節
卓sir話
「 爆Seed老豆系黑幫大佬 」
《使徒行者2》將揭開爆Seed身世之謎
爆Seed老豆
就系卓Sir曾經最大嘅對手
哩個角色將由陳豪飾演
而哩個神秘大佬
除咗爆Seed
其實仲有另一個仔
姐系爆Seed細佬
是正是邪，目前仲無法得知
這個角色將會由周柏豪飾演
在《使徒行者》第一部中
釘姐有三個乾媽
釘姐真正嘅母親
就一直都冇交代
釘姐親生媽媽
其實都系個神秘臥底
畫面閃過
登錄警察資料庫嘅「Jessica」
就系釘姐媽媽
哩個角色將由回巢TVB嘅實力派演員
宣萱出演！
而佢與歡喜哥嘅一段愛恨糾葛
將成為《使徒行者2》另一亮點
歡喜哥嘅真實身份
亦將隨之浮出水面
《再創世紀》
《創世紀》系1999年TVB拍攝嘅商戰劇
亦正亦邪嘅葉榮添
作惡多端嘅許文彪
仲有絕世好男人馬志強
一段爾虞我詐、你爭我奪嘅愛恨情愁
《再創世紀》
會沿續《創世紀》嘅劇情
仲會選用香港回歸至今
所發生嘅重要社會熱議事件
比如
亞洲經濟危機、搶奶粉事件
十幾年過去了
羅嘉良，吳奇隆、蔡少芬、古天樂、劉愷威
當年的葉家兄弟能否
在新劇中再度聚首
?
部部劇都咁期待
TVB你好過分
剩低哩幾個月點過好
要TVB，唔要加班
/ 謝謝你長那麼好看也看完這篇推文 /
我系百事通菠蘿，一個菠蘿