背景
呢個日本人住係香港既
胡x邵旗下公司工作 公司唯一的日本人
我地用英文溝通 佢唔識中文的
(我英文麻麻 請見諒)
我地係交友apps認識既
第一次出街都係傾下計 了解下大家既背景 佢話佢工作太忙 無時間識女仔
而我又講下自已背景
主要係單身 拍拖都係搵結婚對象等等
我天真地認為咁樣可以避免到成為玩家既目標
但其實有d更賤既人一開始已經打算呃你
後來我地由開頭兩星期見一次
變左一個星期見兩次
大約維持左接近3個月
其間有好多文化上 溝通上既差異
佢都好有耐性 一一解釋比我知
佢知我對佢無信心
所以佢表現得比我更有戒心
令我完全覺得佢唔係隨便玩玩下
而係認真既
同埋佢表現出黎要觀察我好多野先會嘗試開始
佢同我講佢公司所有人都結哂婚啦
佢媽咪都吹佢快d結
仲話希望我學兩句日文
第時爸爸媽咪黎香港搵佢
我地都可以基本溝通到。
又話佢地朋友聚會我可以去
不過只係怕我會悶
因為日本人好多都唔識講英文。
佢同我講佢單身係因為工作太忙
佢之前d女朋友都頂唔順 所以佢寧願搵個真係接受到佢生活既人先開始
其實中間我都有懷疑過 同佢講唔好再聯絡啦
但可能唔覺唔覺擺左感情落去
佢叫我信佢 佢會證明比我睇佢係可信
（宜家諗返 邊有騙子話自已呃人架