港姐出身嘅王君馨，近日憑《城寨英雄》中嘅脫衣舞孃領班花曼上位，由於演得夠姣，夠性感，令觀眾印象深刻，其白滑玉背同20.5吋纖腰搶眼至極，而幾乎集集都谷行33D上圍!!!
今日有周刊報道，並未因為上緊位而擺阿姐款，而且喺拍攝緊嘅新劇《心理追兇》中，有一場喺山邊被強姦嘅戲，佢赤腳喺荒野度行嚟行去，又著住血漿嘅戲服坐埋樹底培養感情，連準備去「救」佢嘅拍檔楊明都唔敢埋身打搞。劇情講佢誤以為楊明係施襲者，所以一見對方即刻嚇到花容失色，尖叫狂跑。
其實王君馨一早為自己打算，佢除咗打大台工，又做舞台劇，仲自己搞咗檔首飾生意，除咗有佢班好姊妹李亞男、句芸慧同岑麗香等人肯幫佢做生招牌之外，早排佢趁住好姊妹鄧紫棋（G.E.M.）生日，送咗一系列為對方設計嘅星星首飾畀對方，事業行大運喎！
話說回頭，大台呢期咁鍾意玩重口味，王君馨會唔會係繼石天欣之後，接任「被強姦受害人」個位？
王君馨喺《城寨英雄》一幕裸背療傷戲份，成為熱話。（電視截圖）
王君馨唔介意性感，好有潛力做下一代「被強姦受害人」。
王君馨早排送咗一批自家品牌首飾畀G.E.M.（網際網路圖片）
(左起)袁偉豪、王君馨、胡定欣、陳展鵬、劉佩玥及伍允龍功架十足，氣勢勁。(黃國立攝)
無綫劇集《城寨英雄》劇集自播出而來大獲好評，一眾演員陳展鵬、胡定欣、袁偉豪、王君馨、伍允龍、劉佩玥等晚上於將軍澳出席由無綫高層杜之克舉辦的《城寨福利會晚宴》，齊齊開香檳慶祝昨晚播出的一集平均收視有31點，吸引逾210萬觀眾追看。
「花曼」王君馨叫粉絲星期日密切留意大結局！（黃國立攝）
要做鍾嘉欣BB契媽
有報道指飾演「花曼」的王君馨將會慘死，她笑言時辰未到：「其實今晚個集牙佬將會求婚，令我重拾希望。但另外牙佬全家又會被滅門，身為未婚妻一定要幫他報仇。」她其後就「劇透」花曼無論最後是否死去都會返來，叫大家星期日大結局密切留意。真係離開是為了回來呀！
提到好姊妹鍾嘉欣今早傳出已經於溫哥華生BB，君馨表示未知道對方是否已經生B：「如果是真的，都替她開心，因為我知道她是非常喜歡小朋友，現在姊妹中第一個做媽咪，我一定要做契媽。」至於會否飛到溫哥華探望？君馨指近期工作較繁忙，未能抽時間到當地探望。
伍允龍指不知道鍾嘉欣是否生B，但表示如果是屬實都會送禮給她。而劉佩玥暫時沒有想拍拖的打算，希望以事業為先。（黃國立攝）
伍允龍想成家立室
近期最令人關注的莫過於是劉佩玥（阿Moon）與伍允龍（Philip）的緋聞，皆因阿Moon好姊妹陳瀅上傳朋友聚會的短片到社交網站，發現伍允龍也有參與，並教她們耍功夫，阿Moon表示當晚的派對有2、30人參加，「當中有很多朋友都是來自台前幕後，也未能夠將所有照片post出來。而且如果真的避嫌的話，就不會光明正大將照片貼出來，因為大家真的是好朋友。」問到會否考慮對方時，阿Moon笑言對方是傻仔，「係一個好好男仔，但如果考慮的話，應該不會了，就算好老土都要講，想以事業為先。都多謝大家的支持，覺得我們好登對。」
至於hit爆「貼身保鑣」的伍允龍被問到昔日女友鍾嘉欣已在溫哥華生B，他表示未有留意：「不會主動打給她問，但如果是真的都會送禮給她。」至於近日亦有指與劉佩玥拍拖，伍允龍澄清與對方只是朋友，至於自己亦想成家立室及生BB：「如果遇到合適對象，一定會告訴大家。」
《城寨英雄》劇集自播出而來大獲好評，一眾演員陳展鵬、胡定欣、袁偉豪、王君馨、伍允龍、劉佩玥等人於將軍澳出席慶功宴，齊齊開香檳慶祝。