無線熱播劇《城寨英雄》話咁快今個星期進入結局篇，近日最Hit角色莫過於王君馨(Grace) 飾演的花曼！
Grace在劇中每次出場都著住修身旗袍曬身材，跳艷舞時姿態撩人；不過又會換上黑色性感戰衣化身八極高手，面對殺父仇人時一記「猛虎硬爬山」勁度十足，絕對系睇得又打得！雖然近日人氣急升，不過Grace的演藝生涯原來同佢個角色花曼一樣咁坎坷，當年差啲窮到要瞓街
早前劇情講到花曼決定獨自前往刺殺柯萬長(張國強飾)，豈料對方武功極高，花曼不敵之餘更被對方暗器所傷！
其實早前小編已提到柯萬長乃太極拳高手，功力遠高於福壽金及馮春美，原來仲有一把可以射暗器的雨傘，厲害！
花曼腰部被暗器所殺，於是順理成章在房中脫衣療傷，半裸露出白滑大玉背益觀眾，勁吸睛！
柯萬長懷疑花曼就系行刺佢的人，於是聯同龍成虎(伍允龍飾) 去到夜總會試探，要求花曼立刻上台表演！
為免被懷疑，花曼唯有忍痛上台，著上谷胸束衣及弔帶襪大跳艷舞，一出場已經睇到觀眾嘩嘩聲
花曼繼續跳出各種噴血舞步，除大曬豐滿上圍，趷籮定腿張開樣樣都齊，無論柯萬長定觀眾都拍曬手掌贊好！
最後再嚟一個極嫵媚的笑容，真系睇到小編暈曬大浪……
其實Grace在四歲時便跟隨家人移民紐約，父親經營壽山石生意，家境富裕。佢自2007年回港參選香港小姐並贏得亞軍後，就放下千金小姐身份留港發展。
本以為可以順風順水，但其實佢最初只靠港姐合約、唔超過一萬元的薪金度日！大家都知香港寸金尺土，當時只系單位租金已經要萬二蚊，仲多過佢本身份糧，難怪Grace直言∶「我真系諗過我系咪要瞓街！」
入行不經不覺已九年，Grace亦坦言想過放棄，因為當初被指演技好浮誇！雖然好想返美國，但由於合約在身唔可以一走了之，所以壓力愈來愈大，以致有抑鬱同暴食症。幸好老友趙希洛和周家蔚帶佢返教會，令佢可以重新建立自信，之後演戲都冇咁浮誇，成個人踏實咗！
佢又表示當年在教會認識到一位教友，對方在Grace最困難的時候收留佢，俾地方佢住又幫佢解決經濟問題，後來成為了自己的契媽。可惜對方已經與世長辭，令Grace未可及時報答對方。
Grace在劇中系八極高手，又長期著旗袍同緊身戰衣，真系多少少肥肉都著得唔好睇！所以Grace開拍前努力修身，務求以最fit狀態示人。
日前Grace在網上大曬自己著上腰封的相片，劇中見到佢條20.5 寸蜂腰就系腰封的效果！雖然系好誘人，不過唔少網友都話見到個腰封都替佢辛苦！
為求演得好，Grace在現實中勤練八極，之前仲搞到拉傷條頸，要去做物理治療！Grace咁努力演出花曼呢個角色，成功令觀眾留下深刻印象，希望將來有更多機會睇佢演出啦！