李亞男呢次其實搶曬祖藍鏡，冇得輸呀！
藝人王祖藍喺內地發展得非常好就係人都知，再加上有個索爆老婆李亞男，可以話係事業愛情兩得意。最近佢參加咗內地真人騷節目《跨界歌王》仲成功入埋總決 賽，呢次祖藍以《王妃》一曲出戰。一開始嘅時候佢著住皮褸再戴住黑超出場，已經贏盡全場掌聲，但好戲在後頭，佢嘅舞伴一出場啲掌聲直頭可以用震撼嚟形容！ 係邊個？就係佢老婆李亞男！
李亞男就以黑色低胸吊衫加熱褲上陣，大騷一對長到爆嘅白滑美腿，即時成為全場焦點！之後佢哋大跳辣身舞，李亞 男嘅舞步仲性感到不得了，包括跪地曬腿、烏低身摸大髀同埋單腳貼身摸祖藍面，真係羨煞旁人，到最後仲差啲咀埋！難怪搞到主持都忍唔住講：「你們繼續秀恩 愛，我可以離開了！」而一輪熱舞之後，李亞男喺現場幫祖藍拉票仲話：「演唱的非常完美！」呢兩公婆完美嘅配合，精彩都非常合理！
之後祖藍演繹歌曲《浮誇》，唱嘅時候肉緊到爆，仲加埋一個超高嘅高音，可以話係High爆現場，全場企曬起身拍爛手掌！評判都畀咗極高嘅評價。最終祖藍成為《跨》嘅亞軍！認真唔簡單！
一出場，咁型仔諗住已經夠曬爆啦～
全場已經拍曬手！
點知李亞男一出場，直頭全場尖叫！
性.感上陣仲要跳辣身舞～真係睇到噴曬鼻血！
白滑長腿是亮點！
唱完之後呢個甫士，佢哋維持咗好耐仲差唔多咀埋！
睇祖藍個反應，就知有幾正啦～