查看相片
無 綫劇集《城寨英雄》正在熱播中，收視報捷兼贏盡口碑，當其他劇集同節目收視全線下跌嘅時候，只有《城寨英雄》仍然企硬，最高達31.3點，唔少人都準時收 睇追貼最新發展，劇情越來越緊湊加上拳拳到肉硬橋硬馬真功夫，成為大家茶餘飯後嘅話題。唔少有份參與劇集嘅演員亦成功跑出，好似早前嘅鑫鑫林穎彤、小智李 日昇、夏滿哥李嘉及龍成虎伍允龍等等，最新就輪到王君馨（Grace）。
喺 劇中飾演風塵女子花曼嘅王君馨睇得又打得，烈豔紅唇加埋著住性.感貼身連身裙大曬20.5吋小蠻腰，加上霸氣耍八極拳，吸睛度爆燈，成功演活咗花曼呢個角 色。網民都話呢個角色好襯佢，大讚佢身材玲瓏浮凸、好索、演技自然，仲有唔少網民話佢好過好多新晉小花，甚至好過劇中女一胡定欣，有資格上位，不過亦有網 民認為Grace仲未夠班要再努力啲。
部份讚Grace嘅留言：
查看相片
部份彈Grace嘅留言：
查看相片
查看相片
佢其後喺《城寨英雄》戲份會越嚟越重，繼成功殺死福壽金（林偉飾）為父報仇後，佢下一個對付嘅目標就係馮春美（吳家樂飾），佢將會同春美哥決一死戰，大家記得留意喇！另外，佢同「牙佬」段迎風（袁偉豪飾）嘅感情戲碼同埋佢同阿哥「拳佬」嘅兄妹相認場面，都係令大家期待。
查看相片
查看相片
查看相片
查看相片
雖 然無綫鍾意力捧港姐，但係07年港姐亞軍Grace就無咁嘅待遇，對佢嘅印象就係曾經參加《舞動奇跡》跳舞幾好嗰個。Grace參演劇集唔少，但係都係做 下配角甚至係閒角，比較有啲印象就係《My盛Lady》嘅講「傻的嗎」嗰個男人婆粗魯女警同埋《熟男有惑》佢嘅三點式場面。
查看相片
今次花曼嘅成功，終於吐氣揚眉有代表作喇！