阿Kay…你老公同欣宜爆房呀！！！！
藝人張繼聰、鄭欣宜及陳詩慧到佐敦一間時鐘酒店拍攝新片《西謊極落：來自太空艙的你》，劇情講述飾演情侶的阿聰與欣宜開房不成，與扮演酒店職員的陳思慧理論。
去過時鐘酒店…附近
阿聰表示初次踏足時鐘酒店，他說：「做演員就有呢樣好，可以見識世面，我覺得呢度幾寬敞，似卡拉OK房，今日叫做見識嚇，平時即使喺樓下行過，都會走快兩步，費事被人影到又多嘢寫，不過呢度附近有個停車場我就嚟過，出咗名位窄難泊，我嗰次泊完都成身汗，仲刮花咗度門。」
身形瘦冇土地問題
阿 聰談到與欣宜演情侶，他說：「幾創新！其實呢個戲講年青人面對緊嘅問題，接地氣得嚟又幾瘋狂，有啲似cult片，今場就拍土地問題，講年青人冇地方繁殖。 （你年輕時有冇呢個煩惱？）咁我比較瘦嘅，唔使好多位，其實依家4、50歲嘅人士都買唔到樓，我都年青過，都明白為事業打拚嘅困難同重要性。」
宣布有喜
阿聰太太謝安琪自宣布停工後屢傳有喜，問到阿聰是否有好消息公布？他說：「有喜！我有工開就係喜事，好多謝全港市民咁熱烈幫我哋打氣，隨緣啦，有喜事會公布。」
爆房要講數？
其實兩個係拍緊戲，張繼聰仲話係第一次去時鐘酒店，唔知有冇人信……
佢話係有嚟過…附近個停車場嘅，仲搞到成身汗！
從後抱抱欣宜，應該都幾有喜感～
唔知係咪鬥大隻…