捕捉野生小精靈，擲出精靈球果一刻就最為影響你能唔能夠成功捕捉，尤其當你預見稀有嘅精靈，例如噴火龍、卡比獸等等，好多時候都只有1~2次機會用擲出精靈球，等本篇文章教你點可以好好把握呢個機會提高成功率！
1. 熄「AR」：
捉精靈嘅時候將右上「AR」選項先關掉，咁你就唔洗遷就精靈嘅位置周身郁，亦唔怕擲出精靈球果一下郁到部機唔啱位，會容易捉好多！
2. 扔出弧線波：
當精靈球時候，按住精靈球順時針（或逆時針）轉到精靈球發光再丟出，聽講有助提高捉到嘅機率！
３. 扔出弧線波技巧：
弧線波比較直線扔需要更加高技巧先可以命中目標，好容易就扔到離行離迾，扔極都唔中隻精靈，但其實有個小技巧可能幫助到大家，當順時針轉到精靈球發光時候，第一步按住拖隻手指去右邊，之後第二步斜線扔返去左邊好似下圖，逆時針就相反拖去左邊。
4.留意精靈動作
大多數精靈都會一段時間就有閃避或者打招呼嘅動作，呢個時候就唔好扔精靈球過去，因為有機會避開咗或者扔中都唔會有反應，無為浪費精靈球啦。
▲跳起嘅卡比獸會避開你扔向地面嘅精靈球
5.標靶顏色
標靶顏色分為綠、黃、橙、紅，綠色為最大機會捉到，紅色為最困難，當你見到橙色或者紅色轉換一個較好嘅精靈球都有機會令標靶顏色轉變。以及當見到紅或橙時可以先餵野生小精靈吃紅莓果。
6.用更高級精靈球
當你見到稀有小精靈，咁緊係唔好慳啦，因為你好可能得一次機會，你捉唔到佢就會逃走！
目前精靈球有3種一開始嘅普通球，同中間「Great」球可以在12級後開始可以獲得，右邊「Ultra」球由20級開始獲得。
7.餵食紅莓果
同上面一樣，好可能得一次機會捉稀有小精靈，你捉唔到佢就會逃走，當然要先餵野生小精靈吃紅莓果，提高捉到的機率，但要留意作用只能一次！如果沒有扔中精靈是不會消耗樹莓效果的。但當扔中了，又捉唔到時，樹莓效果就會消失了，只能夠再餵一次。
目前暫時只有一種，但相信將來會增加更多種類。