現今無線力捧小生，卻被人稱之為渣男，原來曾是富二代出生...
「每個人心裏面都有對黃翠如同洪永城」，曾以為洪永城同黃翠如系圈中最佳熒幕情侶，
最終洪永城遇上「不能錯過的女友」唐詩詠，而黃翠如就找到她的Mr Right—蕭正楠。
黃翠如爸爸黃永華早前公司喺創業板新股聯旺集團上巿，黃父身為大股東兼行政總裁，帳面身家億億聲，
黃翠如頓時由慳妹變有錢女，蕭正楠被網民贊揀女友眼光獨到，洪永城則被寸走寶，只不過呢，洪永城家底本身都不差。
洪永城母親是台灣人，早年營商，家境殷實，洪永城在屋企排第二，10歲起被送去紐西蘭留學，
「因為我讀書太差，小學考第尾那種」，童年時算是有錢仔，但家道 中落，「屋企（由半山）越搬越落，
由羅便臣道、堅道、柏道，再到尖沙嘴、天后」，家人並非炒燶樓，純因經濟差，令生意失敗，連本來持有的物業都要變賣。
屋企曾經富貴過，住過羅便臣道，有Benz車出車入，不過家境在2002年變差，洪永城回港工作，
其後透過HKU SPACE完成澳洲Curtin University的市場學課程，當年在灣仔君悅酒店行畢業禮，
媽咪及兄弟都有撐場支持。看回洪永城的畢業相，他胞兄都幾有型，甚有明星相。
洪永城畢業後加入有線，成為有線娛樂台節目《活得很滋味》旅遊主持之一，
2008年轉去Now又是做旅遊節目主持，洪永城2012年再轉投TVB。