(突發)短褲拖鞋去飲被斬！新人：你真係唔閪比面我爆龍哥？
前排有一單新聞令人又嬲又好笑，就係一對夫婦因為去親戚位於金鐘JW酒店嫁女婚宴時，穿短褲拖鞋，被主人家嫌著得太寒酸，繼而發生爭執，最後一對夫婦更被人 斬傷，要報警送院！嘩，即係話，而家去飲都唔單止要畀人情送禮物，仲要著得稍為草根少少都畀主人家覺得失禮？仲要畀人斬！
世態炎涼，人情冷 暖，若要嫌棄人哋，又何必請人呢？其實今時今日擺酒結婚喺上一代長輩眼中的確無比重要，好好睇睇，做得有咁華麗得咁華麗，最緊要畀曬全部親戚睇自己個仔／ 女有幾幸福。至於上一輩嘅執念，大家都唔好嘗試去改變喇，不如睇下以下幾種新人同父母因為擺酒而發生嘅矛盾啦。
魚翅問題
老一輩認為擺酒無翅完全係失禮賓客，甚至覺得非常寒酸，如果無翅咁點叫擺酒喎。但後生一輩就開始接受無翅婚宴，始終魚翅得來極不人道，近年已經備受多個環保團體關注，大家亦開始減少食用魚翅，婚宴中由魚翅換成燕窩嘅亦比比皆是，最緊要老人家明白。
裙褂只可著一次
老一輩又比較傳統啲嘅老人家，奉行「全套裙褂一世只能穿一次」，即係話就算大日子當日，下午敬茶接新娘時著咗，夜晚擺酒唔可以著返；當然目前新一代人已經唔多理呢個習俗。亦有長輩話唔係真係一次就唔著得，係指「回門」之後就唔著得，所以大日子當日穿兩次都無問題。
金器大龍鳯
擺 酒當晚新娘子身上一身金器，都例必成為老一輩嘅關注焦點，老人家覺得要一身金器最好由頭掛到落腳先叫有派頭有體面，而的確唔少親戚會以金器嘅多少作為幸福 程度；但新一代朋友有時覺得金器太俗太土豪，會考慮改用翡翠或者鑽石，不過老人家一定唔Buy，甚至會勸你去借金器呀。