方力申同Stephy不經不覺分咗手接近5個月，兩人有冇機會翻撻復合仲係未知之數，但小方近月就肯定係化悲憤為力量！運動員出身嘅小方，身型一向有番咁上下，但始終未係超級大隻仔類型。不過近日小方忽然喪操肌，即使去外地開工都會帶齊裝備去酒店房健身，依家全身都係肌肉，手瓜起曬蹍，胸肌更明顯脹卜卜！
同Stephy分手5個月 方力申喪操變肌佬日前小方去咗大馬拍戲，po咗幾張新相上Ig，相中見到小方身形比之前明顯大隻咗好多，尤其心口嘅胸肌同一對手瓜，堅大隻！
其實小方一向有教人健身，不時po片做示範，片中小方嘅背肌似足漫畫人物，絕對有資格去參加健美先生！
早前小方拍電影《綁架丁丁當》，其中有幕要剝衫曬肌，當時小方已經操得相當fit，但就冇依家咁誇張！
睇番小方早年嘅身形，又真係有少少六神合體feel，好在佢肯跟杜德智做gym先有今時今日咁J得落嘅身材咋！
全文完