Steven話佢畀比卡超圍喎。
全城熱玩Pokémon GO，個個為咗成為好似小智一樣嘅訓練員，去到邊玩到邊之餘，仲要四出撲去啲熱門地方捉稀有精靈。喺條街度，只要見到有人原地企到成碌柱咁，兼拎住個電話 係咁劃，又或者突然發出興奮嘅叫聲，十居其九都係玩緊呢隻Game。隻Game咁hit，當然唔少歌手明星都有玩啦，仲要「日夜鍛煉去取勝」添。
就好似張致恆Steven咁，佢唔單止有玩，仲要捉到好多大家都好恨要嘅精靈，成為萬民攻擊同葡萄嘅對象。事緣佢呢排都成日喺社交網曬命，一時話自己張床畀啲比卡超圍住，一時又話自己啲比卡超多到要進化做雷超，一時又曬自己啲精靈有幾咁高Level。
而佢最新曬命力作，就係佢話捉到嘅比卡超實在太多，多到進化咗三隻雷超（小編註：相信八成有玩緊呢個遊戲嘅人，都未有雷超咯！小編有啲朋友連比卡超都未有咯！），進化完仲要仲有八十幾隻比卡超剩...真係寸到一個點！
而佢呢個牙擦post一出，啲網民即刻瘋狂留言，除咗大呼小叫表達葡萄心情，有人就搞笑問張致恆係咪呃「嬲」，而八成嘅留言，都係叫張致恆快啲公開地址，等大家都可以好似佢咁瘋狂捕獲比卡超！
Steven Cheung：我係一個精靈訓練員！
CP798雷超，好葡萄啊...仲要有三隻雷超...嗚嗚嗚
小編只係跪求一隻比卡超啫，而張致恆...成版都係...過份！
網民話Steven呃嬲喎，邊個叫你咁囂張先？
好乖乖地交比卡超個竇出嚟！
傳說中嘅比卡超樂園