袁偉豪BB，你好過份呀～啲女仲唔畀你溝曬？
無綫電視劇《城寨英雄》尋晚終於首播，劇中雲集多位打得之人，包括元秋及伍允龍等等，就知實有好多精彩嘅打鬥場面。而男主角陳展鵬亦為劇集苦練功夫，首集 一開波已經同猛虎埋身肉搏，之後仲施展真功夫，一拳打死老虎，認真睇得又打得！而另一男主角袁偉豪平日行斯文靚仔路線，以為佢只係識耍繡花拳？實則佢係打 到拳拳到肉，仲成功一個打十幾個，分分鐘勁過喺電影《葉問》一打十嘅「宇宙最強」甄子丹呀！
一打十爆埋牆
劇中飾演八極門 宗師嘅袁偉豪，為人正氣、鍾意鋤強扶弱，認真Man爆！其後講到佢為咗救人，不惜單挑十幾個壞人，以為佢以一敵眾實死硬？結果喺五分鐘內，兩三下手勢已經 KO人哋，個個都被佢打到嘔白泡咁濟，難怪網友都話袁偉豪勁過「葉問」啦！不過講到最厲害嗰招，不得不提袁偉豪展現無窮神力，一拳已經將其中一個壞人打到 飛埋牆度，之後仲打爆埋幅牆，睇到人嘩嘩聲！
不過好可惜，大家要睇住圖先，因為呢幕未出現！
唔止胡定欣，小編隔住個Mon個下巴都跌到落地…
六嚿腹肌未出現
劇中另一精彩嘅打鬥場面，要數陳展鵬同袁偉豪表面敬酒捧杯， 暗地裏切搓功夫，仲互相用內功令對方手上嘅杯裂咗，網友們對呢幕讚口不絕，仲話睇得好過癮同熱血沸騰，不過，亦有網友表達不滿，皆因早前一個劇集預告，片中袁偉豪對住匿喺衣櫃嘅胡定欣玩「脫衣Show」，大方騷六嚿腹肌，連小編都睇到流曬口水，可惜最期待嘅呢一幕仲未播出，一班網友又要等等啦！
曬冧女金句
不 過唔緊要，可以睇住袁偉豪點冧女先！今晚播出嗰集，女主角胡定欣終於登場，其中佢因為牙痛而要睇牙醫，不過一開口就臭死企喺對面嘅袁偉豪，認真「慘慘 豬」！點知，袁偉豪毫不介意，仲大講冧女金句：「原來女仔唔同男人，流汗香，放屁香，就連口氣都香過人！」各位巴打，學嘢啦！
網民熱話：
XXXCHMAN：葉問先一個打十個，但袁偉豪就一個打十幾個，勁過葉問喎！
NAHXX_XONG：一拳打爆幅牆，肯肯定佢唔係人先咁大力。
KONJANXXX：個個都打得拳拳到肉，好耐無（冇）打得咁過癮既（嘅）電視劇啦！
XXFIXXA：最想睇袁偉豪bb六嚿腹肌，幾時先播呢幕？？？
跟住仲頂癮嘅係呢幕…
胡定欣因為牙痛要睇牙醫！
點知袁偉豪竟然冇畀胡定欣臭親…佢仲話…
講得出咁嘅說話？佢係咪人嚟㗎！！！！
嗚…係…係大愛呀！巴打，你哋要學嘢點追女神了！
除咗令人心動嘅幾幕，袁偉豪BB仲有Man爆一面嘅！
係勁喎！
睇佢哋兩個袁偉豪（右）同陳展鵬點打都夠皮！（當然要睇肌肌啦！）