(1) 無論嗰日返工定做野，只要唔係佢身邊，每日起身去到我訓之前，都要每個鐘打俾佢。另外每日放工返屋企都要keep住同佢傾電話。
(2) 每次見面都會check我電話，驗屍咁驗。如果見面中途有男仔打黎，一定會俾佢訓話勁耐，輕則個半鐘；重則全日。
(3) 同其他朋友出街，同場有一個男仔都唔准去，一定要全女班。唔准去飲酒，一去就大獲。每次聚會，無論幾夜佢都堅持要接我走。
(4) 見面唔准遲多過5分鐘，過左呢個時間會當街同你爆發罵戰。
(5) 唔准我著短過膝頭既裙。
(6) 講分手仲大劑，佢唔會剷上黎，因為驚煩到我阿爸阿媽，但會喺我屋企樓下等我，等幾夜都等。試過去到第二朝都仲見到佢，總之佢寧願射波，甚至俾人炒都要等到你為止。如果你講分手唔覆佢呢，佢會話去自殺…
我應該點做好？