是咁的，小弟今年30歲，前年同識左兩年既女朋友結婚，仲生左個仔，個仔就黎一歲。
我老婆出名係乖乖女，不過婚後一年我開始發覺唔對路，佢對我既態度越黎越差，
仲咩都要我跟佢規矩做野，就算明知我唔鍾意都監我做，直頭係想改變我去迎合佢，
程度簡直接近控制狂，只要唔跟佢咁做，最初就鬧兩句，之後仲出手打我。
我自問外表唔算差(雖然老婆都幾靚女)，有穩定收入，仲買左層將軍澳新私樓同佢住，
3房2廳連工人房，生活都算ok，仲請埋工人幫佢湊仔(之前有一個工人頂佢唔順無做)，
不過佢竟然嫌層樓喺堆填區，又話同佢公司同外家距離太遠，叫我同佢搬去太古城住...
雖然佢仲有返工，不過佢份人工都係自己使，我從來無用過佢一分一毫，所有供樓呀，
水電媒呀，差餉管理雜費呀，全部都係我負責，每個月仲額外俾兩皮野佢做家用。
不過佢既控制狂越黎越嚴重，我屋企人想睇下個小朋友，佢話一定要有佢在場，相反，
佢同佢屋企人帶小朋友出街，從來都唔會話我知，連知會一聲都唔會，真係好懷疑佢地成日帶左我個仔去邊...
除左個仔，佢對我既財政控制都越黎越緊，佢要我加佢個名落我個出糧戶口，
話方便佢攞錢用，但有時佢用多成皮野，我循例問下，佢就敷衍我話係個仔既使費，
我最後偷偷地改左出糧戶口，佢竟然怪責我呃佢，話我結婚時講過啲錢任佢使(但我無印象講過)...
佢差唔多使曬我副身家，我戶口由原本接近7位數，而家得返5位數...