無線新劇《城寨英雄》下星期一啟播，連日來無線上載多段精彩片段上官網，令劇集仲未播出已成為電視迷慨熱門話題。喺最新一段宣傳片，刁蘭（胡定欣飾）與左勾拳（陳展鵬飾）飾演一對夫妻，而刁蘭系個火爆粗暴慨老虎乸，兩句唔埋就對住老公動刀槍。今次左勾拳慘遭老婆又摑面又扭耳仔，認真慘慘豬。
王浩信被摑成名
跟據無線以往慨劇集，被打慨演員會愈打愈紅，好似2008年先入行慨王浩信為例，初時參演過多套劇集，不過一直都無被為意，直至2012年喺《名媛望族》畀劉松仁狠摑13巴，開始得到電視迷注意。事隔一年王浩信喺《法外風雲》入面，再次被劇組安排掌摑戲份，而掌摑慨巴數加碼近一倍，被謝雪心怒摑24巴。網友見到呢個場面，都話隔住個mon都覺得痛，仲畀咗個「兜巴信」稱號佢。其實成功需苦幹，少少苦楚等於激勵，王浩信就系因為呢24巴掌，拎咗《飛躍進步男藝員》，名副其實系摑出個未來。之後佢慨演藝生涯系點？睇怕大家都有目共睹，唔使我多講喇！
陳展鵬被胡定欣毒打
《城寨英雄》宣傳片開場就見到陳展鵬準備咀落胡定欣度，正當網民都覺得陳展鵬艷福無邊之際，劉佩玥突然搵上門，即刻觸動咗胡定欣怒火神經，佢審都唔審就認定系陳展鵬慨風流帳搵上門，狂數其風流史之餘，仲出手掌摑同扭耳仔。網民見到陳展鵬被扭耳仔都戥佢痛，仲留言話要幫佢捽跌打酒。而陳展鵬成為今年被摑對象，電視迷都希望佢慨付出唔會白費，可以成為今年慨視帝。
小演員講踩界對白
另外，喺段宣傳片突然出現慨小演員都系其中一個亮點，雖然只得幾秒鐘，不過都好入戲，而且對白好搞笑，不似一般小朋友會講慨對白。網民聽完佢講慨對白即留言：「細路知唔知自己講緊咩？知就慘喇，人細鬼大！」究竟佢講咗啲乜？Sorry！因為句對白有啲踩界，真系唔方便講出嚟，想知就自己去睇片啦！
網民熱話
LXXai XYin LXee ：可憐，被Nancy打了一巴掌。
RaXin Sxiu Wxah Wxong：不錯，期待，主角演技好。
Ada Wong：細路知唔知自己講緊咩？知就慘，人細鬼大！
Meiji Wong：尼（呢）個仔仔好笑。
令人諗番起兜巴信！
定欣即刻醋意大發。
摑完仲要扭耳仔。
鵬鵬個樣系十級痛！
摑出個未來慨表表者有王浩信。
劇中陳展鵬與王浩信飾演一對夫妻。
狂摑陳展鵬。
定欣個樣幾咁惡死。
真系好想知個小演員講咗啲乜！
佢被打完後獲得「飛躍進步男藝員」獎。
宣傳片中劉佩玥突然殺上門。
可憐的鵬鵬被摑到面都歪埋。
一路扭住個耳仔一路鬧。
咁要睇片喇。
畫面系幾咁震撼！