最近又有多個極品港女出現，噚日有港女喺Beauty Exchange討論區開post。佢覺得成世人未同過私樓仔拍拖，好唔甘心。嫌棄男友始終係公屋仔出身，物質享受同家底唔夠私樓勁。例如食晚飯，覺得食$200一個人已經叫好好，不過佢相信同私樓仔拍拖應該會更高一個層次。
citysuper「你咁低層次，帶你去法國餐廳食每人幾千一餐你都唔識叫野食同餐酒喇。」
ragrag「如果你係要物質上嘅享受，你唔識自己賺錢去享受咩？ 做好自己先啦。p.s. 會/曾自己出錢去食幾千蚊一餐,但又如何？」
JasperT「就算俾你搵到個, 有錢既都唔一定願意洗錢落你身上. 有錢唔等於佢地闊綽, 無錢既又唔一定等於佢地小家. 」
Patricklok「私樓都可以好窮!」
另外一個港女就喺自己facebook曬自己男朋友對佢好好。佢話同男友拍拖一年零三個月，男友月薪四萬五千。佢話日日同男友食飯求其叫個set要二千蚊覺得好正常。話男友仲讚佢錫住自姚個銀包，無買到一條過千蚊嘅裙換去食餐飯。男友又儲到錢同佢去日本旅行，仲包埋自己嘅機票、酒店、買衫錢等。
不過有網友踢爆話如果日日都食$2,000一餐，$2,000 x 30 = $60,000，佢男友都起碼要搵六萬蚊一個月仲要自己唔食、唔住、唔俾家用先做到喎。
chachachacha「食唔食無所謂,最緊要貼FB打卡」
SIG226「自卑變成自大腦殘小屁孩」
andyyyy「一、可能佢有秘撈，二、男友簽咭，月入四萬五，透支萬五蚊就夠應付午餐費！」