講起就扯火，是咁的
我班會個財政早排提議將班會舊錢拎黎做啲傻的嗎野
例如：買綠色既粉筆 For 綠色既黑板備用、係母親節幫全班同學既老母買絲襪、
佛誕既時候買齋菜俾同學仔食，Hi，但係果日全校放假。
咁好啦，我作為班會既一份子，
阻止佢將我地咁多個同學辛辛苦苦夾番黎既班會錢倒落海亦都係我既責任，
咁我地班會有８條友，有４條友係同財政威威喂既，搭哂膊頭，Friend過打BAND。
所以我決定同另外兩個班會幹事係下次例會既時候缺席，
等佢啲唔可以拎啲錢做傻的嗎野。
咁我地缺席左幾個例會啦，
個財政都知咩事，佢竟然發爛渣，
話如果下個會我地再唔出席，
連遲下搞聖誕聯歡啲活動資金都唔會批出黎。
嘩！我Hi，我聽到之後興撚到我頭髮都豎起哂直隊上天花板，連石屎都飛埋落黎。
但係我好和平好理性既，我走去搵老師同校長理論，順手投訴條Hi Hi。
點知校長同老師都叫我唔好搞咁多野，
我知！你地不嬲都好鍾意個財政呀嗎。
好！Hi拿星，咁我咪問老師下年可唔可以由全班同學一人一票選班會，
佢話得，但係要由佢提名，Hi，咁我地投票黎做乜勁？
我真係好撚嬲。
咁我咪諗住同成班不滿既同學係放學既時候佔領個籃球場表達訴求啦，
點知無耐老師就即刻走黎同我講唔好玩野，再搞就記大過，會印係我成績表度比人睇。
至大問題係連其他班呀，籃球隊呀，都叫我地唔好搞咁多野，
所有人都當我地麻瘋佬咁呀，
Hi！！！！！！！！！！