藝人陳豪(阿Mo)、邵美琪及張彥博等於荔枝角宣傳無線劇集《完美叛侶》,期間阿Mo大開金口現場獻唱情歌,冧爆全場粉絲!其後受訪時提到阿Mo早前一家五口出巡曬幸福,他笑言當時與老婆陳茵媺(Aimee)一次過帶子女做身體檢查,他又贊兩個月大的B女反應快:「囡囡要打針,帶埋囝囝去Check,順便向醫生取經教仔。(囡囡打針有冇喊?)佢OK,反應快,一咳就打咗,恢復得好。(囡囡Camilla肥嘟嘟?)醫生都贊佢有分量。」
唔怕一家畀人影
談到囡囡樣貌首次曝光人前,即獲網民激贊可愛,阿Mo表示不介意女兒曝光,但表明不會用仔女作宣傳:「多謝,其實冇所謂,我享受一家人周圍去,我好大方㗎,畀人影到都冇所謂。」談到兩位兒子與小公主Camilla相處如何?阿Mo透露大仔梓燁及細仔浩鋒爭住錫女兒,他指大仔更興奮想跳上女兒的BB床:「有時要控制嚇大仔,佢興奮到想跳上床!(細仔浩鋒都識自動揮手?)佢好Friendly ,鍾意講嘢。」
講到阿Mo日前被拍到「肚凸凸」的走樣照,但今日他立即重現高瘦的Model身材,阿Mo笑言其肚子,好似車胎一樣:「湊B會有啲肚腩,要畀佢哋坐嘛,但我都要修身,個車胎快嚟快去。」
咁樣睇唔見肚。
陳豪透露系因為湊B所以會有啲肚腩喎,所以佢都話自己要修身。
陳豪日前被影到「肚凸凸」。(資料圖片)
近啲睇都冇「肚凸凸」喎。
陳豪同邵美琪傾到笑曬。
陳豪日前一家五口出巡。(資料圖片)
唔怪之得,陳豪話佢個肚好似車胎咁「快嚟快去」啦!
陳豪、邵美琪
陳豪囡囡Camilla好得意呀。(資料圖片)
sponsored links