圈中恩愛夫婦陳豪及陳茵媺，昨日傍晚約六時帶同長子陳梓燁，次子陳浩鋒及細女Camilla，一家五口齊齊出巡中環，而Camilla更是首度被捕獲。
他們於兩名傭人陪同下，由一幢滿布醫務所的大廈步出。而起初他們的陣容是，陳茵媺抱著Camilla，陳豪抱著次子浩鋒，大仔梓燁則由兩名傭人照顧。不過由於梓燁實在太奀皮，全程系咁跳跳扎，仲逐級樓梯系咁跳，搞到拖住佢慨兩位姐姐冇曬符。而行喺前面，覺得唔對路慨陳豪，即時「轉身射個三分波」，一手抱住細仔，一手拖實大仔。而陳豪慨大手一出，梓燁果然聽聽話話，冇再跳扎扎，呢位爸爸果然非常厲害。
囡囡同阿媽餅印咁款
至於全程抱住囡囡慨陳茵媺，佢就好忙喇，佢一嚟就要避免愛囡曝光太多，二嚟又要睇住老公同另外兩個仔，不時行一步又回望一嚇咁，但難得佢依然全程保持燦爛笑容，咁甜美慨人母，抵佢咁受歡迎。雖然陳茵媺勁保護Camilla，但根據現場觀察，Camilla雖然人仔細細，但已長得十分標緻，更與靚媽陳茵媺餅印咁款。
次子瘋狂揮手
之後，陳豪就忙住先後送阿仔同老婆同阿囡上車。呢個時候，值得一提慨系次子浩鋒，佢由現身一刻開始，已經不停扮演親善大使，不停向鏡頭自動波揮手，佢一直系咁揮、系咁揮、系咁揮，加上有少少天然呆，真系可愛到一個極點。而佢臨上車之前，仲表演扮飛機系咁揈對手仔，真系睇到個人個心都融化曬！
陳豪掩護老婆
當陳茵媺同阿囡都上埋車，陳豪終於鬆一口氣，諗住可以走人，不過期間佢哋慨女友人路過，喺車邊同陳茵媺傾咗幾句，而陳豪呢個時候就有少少掩護老婆，可能都系唔想阿囡咁細個曝光太多。擾攘咗一輪，陳氏一家終於離開，而觀乎陳豪全程都好顧家、好Man，令到佢慨好好先生形象再次攀升。
呢張相慨亮點，唔系喺前面慨陳茵媺同陳豪度，而系喺後面慨間條大仔度，好明顯佢系咁跳跳跳。
之後陳豪Man爆咁一手抱次子，一手拖大仔。
完成咗咁艱辛慨行路過程（其實只系幾步路），大仔終於由傭人抱上車。
浩鋒：再見喇，好唔捨得你哋。（設計對白）
見到心愛慨家人全部上曬車，陳豪露出滿足笑容，100分好男人！
好喇，而呢張相慨亮點，系次子好親民，系咁揮手，加埋佢個可愛樣，小編冧爆了。
大仔即時馴服，奇妙！
上咗車慨佢，唔知系咪因為之前放得太多電，成個人謝曬。
搞完一輪，陳豪終於安置好次子上車。
呢張相慨亮點都系喺大仔度，佢逐級樓梯系咁跳，搞到原本行喺前面慨陳豪好肉緊。
期間陳茵媺不時回頭望嚇阿仔同老公，好緊張咁。
次子臨上車前都系咁揮手。
然後輪到老婆陳茵媺。呢張相慨亮點，當然喺Camilla度啦，雖然得半個側面，但睇得出佢好精靈靚女，眼大大似足媽咪。