好戲之人！
無線劇《一屋老友記》熱播，陣容個個都系好戲之人，除咗有無線褔將慨歐陽震華，仲有加埋有百幾歲慨羅蘭及胡楓，又有去年視後胡定欣，個個都系實力派演員！ 不過，講到網民最Buy，原來系飾演堅強家姐寶欣慨滕麗名（阿滕）！網民喺討論區「洗版」式討論，仲話要推到佢拎視後或者最受歡迎女角色喎，呢排阿滕 Hit爆呀！
啲內心戲出曬嚟。
面左左。
剛柔並存
喺劇中阿滕慨性格有啲潑辣，又神經質，系就系有啲難相處，不過講到尾佢個心都係為咗頭家好，做好多 事都出於好意！第七集，阿滕更加爆Seed同劇中老公徐榮為咗錢而吵大鑊，徐榮質疑阿滕系咪嫌佢窮，阿滕即時火都嚟，更揚言離家出走。成場戲火藥味十足， 隔住個Mon都感受到阿滕呢個女人仔受到慨冤屈，網民力贊佢內心戲做得啱啱好！不過，呢集結尾阿滕就諗番起昔日同徐榮慨甜蜜時光，成個人即刻冧曬，同時展 示出女性慨剛柔並存！仲有人話佢比女主角胡定欣更加搶鏡。
塊面黑到！
徐榮都好好戲。
網民嗌唔抵
有網民開Post話戥阿滕唔抵，覺得佢早年曾做《佗槍師姐》女主角，系經典角色，但依家就主要做配角為主。網民仲贊佢愈嚟愈有女人味，最深刻系佢之前拍過慨豐胸廣告，簡直索到爆！
網民贊佢演女性剛與柔！
網民有話兒：
AxxxGxn：覺得佢愈梨（嚟）愈靚 好有氣質，其實二寶呢個角色幾岩（啱）佢呀，扮上身戈（嗰）下都做得好搞笑，比胡定欣搶鏡
午xxxx毛：系（喺）西貢撞過真人，但表情成日都好似怨婦咁
TxxTxxTxxxY：yes！一路都好中（鍾）意佢！
wxxgjxxxxg：佢都不知幾正，豐埋胸仲正D（啲）添！
gxxxlybxxk：冇咗陳三元清純feel
網民仲話滕麗名啲戲搶過定欣（左）。