鄭中基成日話囡囡唔 like，要積極戒菸，但 Emma已經足五歲，戒菸行動尚未成功。
同你吟一吟 鄭中基大癮搣唔甩
點解我老豆唔系李嘉誠？我生得咁靚仔，點解冇頭髮？八珍根據周星馳慨構思，得出另一個處境：點解鄭中基咁唱得，紅館都唔批佢申請？
因為今年入行滿 20年，更加因為老豆鄭東漢 70大壽，鄭中基舊年七月開始入紙申請今年下半年響紅館開騷，點知人哋就系唔睬，話到年尾都冇空檔。
鄭中基對上一次開演唱會，已經系 06年，唔想十年又十年，澳門都殺九月澳門開一場叫做了咗個心愿，冇壓力！所以同朋友三點三吹水，想戒菸但戒極都系「想」慨鄭中基，到時到候就走出門外上電。
喂，開 show啦，唔使養聲咩！
同朋友 hea tea，見到熟街坊，鄭中基笑曬揮手打招呼。
另一晚，兩公婆同對仔女去食燒烤，食完鄭中基同老婆一人抱一個行去上車，半路余思敏手攰，要外傭姐姐接手。
撰文：八珍