【享年74歲】向氏五哥向華光病逝 展邦：爸爸走得好安祥
前年向華勝病逝後，其五哥向華光昨日亦因病離世，在醫院昏迷已有年多的向華光，終年74歲。
《蘋 果》今日致電五哥兒子向展邦，他承認說：「系呀！爸爸噚日大約下晝4點走咗，走得好安詳！爸爸好多年前有聲帶癌，做咗手術後，其實已經好番，但年前因呼吸 系統出問題，入院後一直昏迷，最近呢個禮拜情況轉差，出現過兩次心跳停止，到噚日出現第3次時就救唔到啦！好彩當時一家人都喺曬度，可以送爸爸最後一 程。」
向華光為人比其他向氏家族成員低調，從無涉足影視界，反而兩個兒子展威和展邦，就一直在娛樂圈發展，繼開模特兒公司後，今年又開電影公司。
華 光曾做過中學夜校英文老師，太太早年亦在九龍城基督書院任教過英文，華光後來無教書，他便和親生弟弟向華強一齊經營賭船東方公主號，一做12年，所以在江 湖上亦有一定知名度，之後賣盤還賺了一大筆錢退出賭業。不過今次入住銅鑼灣聖保祿醫院，大部分醫藥費，是由弟弟華強資付！
向展邦和展威兩兄 弟一直好尊敬爸爸，所以兩兄弟結婚都是同父母一齊住在西貢，每日放工都會開車過海去醫院探老爸，展邦說：「我一直堅信阿爸會醒番，每次都會帶埋仔女去同佢 傾偈，希望啲小朋友可以刺激到佢醒番，只可惜等唔到呢日就去咗，我哋一家人都好傷心，喪禮點搞都要先同大伯佢哋傾下，遲啲會通知大家。」
早年向華光(右二)同太太、展邦、展威兩兄弟出席活動。(壹周刊圖片)
有指華光大部分慨醫藥費，都系細佬向華強(右三)幫手出。(壹周刊圖片)
展邦、展威兩兄弟近年又開模特兒公司又開電影公司。