【四房超欣30度著皮褸】三房索爆超雲跌膊騷長腿 買LOVE地毯
何家千金各有性情，17歲慨何家四房細女何超欣疑似堅離地，攝氏三十幾度著皮褸(新聞連結： http://bit.ly/29Sw1Xd
)咁三房千金超雲呢？就完全相反，跌膊騷長腿樣樣齊，貼地得多。
日前晏畫4點半，索爆超雲同女助手去到銅鑼灣行街。著住件白色跌膊衫襯牛仔短褲慨超雲，話咁快就入咗一間家品店，超雲一開始目標明確去睇浴室用品，不過啲漱口杯揀極都睇唔啱，就轉咗去揀地毯。
今次超雲冇再兩手空空，睇咗陣已經揀咗幾款，仲叫女助手拎咗一張玫瑰圖案同另一張有「love」字樣慨地毯出嚟左拼右拼。超雲揀好地毯之後，喺家品店行多轉，確定冇收穫喇，就去畀錢。兩張地毯加埋500蚊有找，由超雲自掏腰包，助手幫手拎住地毯行出鋪頭。
超雲助手離開家品店之後四圍望，似乎想保密行蹤，之後超雲打咗個電話，好快就有車嚟接佢走喇！
超雲同女助手漫遊家品店，左拼右拼最後買咗兩張地毯。（採訪、攝影：梁繼光）
夏天最緊要有咩？咪系長腿囉。
啲杯揀極唔啱。
轉場睇地毯。
超雲負責揀，助手負責拎。
又玫瑰又有「love」，打算擺喺邊？
拼左陣，好明顯啱心水。
加埋都系$500唔使。