藝人徐子珊出席小說捐贈活動，她表示專誠現身為作者好友撐場，支持及鼓勵好友實踐自己的夢想去出書：「難得有機會，之後仲會去紐約出，好犀利，將夢想帶到去世界各地。（咁幾時到你出？）我唔系好叻寫嘢，有人問過我，但我唔知寫咩。（爆料囉！）娛樂圈辛酸史嗰啲嚇話？不過我暫時未有咁慨（出書）打算。」
開珠寶網站搞到頭都大
她續透露現忙於自己開設的珠寶網站，大呼忙到喘不過氣：「個網站搞到我頭都大埋，比我想像中要用更多時間同兼顧慨好多，畢竟涉及珠寶、網上交易，想穩陣啲先，自己又第一次做生意，啲朋友都笑，話叫咗我唔好做，但冇辦法啦，開始咗就勇往直前，努力學嚇，每日都有新嘢要解決。」
靠王祖藍開拓內地市場
她表示最近已簽約邵氏與王祖藍合作的經理人公司，會繼續做幕前工作，下星期便會到北京做訪問及影宣傳照：「之後都會鋪路有新工作。（主力內地？）邊度都有機會，內地機會會多咗，畢竟祖藍喺內地慨connection（聯繫）會多啲，佢哋會幫我開拓呢個市場。（玩真人騷？）冇乜所謂，未玩過咪玩嚇，但有粉絲同我講好辛苦，叫我唔好去，好錫住我，但我諗佢哋會幫我揀，知我唔系非常挨得。」
大合照
似乎佢對真人騷都幾有興趣，唔知會系啲咩真人騷呢？
子珊仲要搞埋珠寶網站，會唔會分身不暇㗎？
搞珠寶同網上交易真系要小心啲，check多幾次先正式出街呀。