大家識唱嘅跟住一齊唱啦！
劇集《完美叛侶》近排喺無綫熱播，仲有視帝陳豪坐陣，其實講起陳豪，大家除咗諗起佢三年抱三之外，應該都唔會忘記佢句「同朕check嚇」嘅金句，當年佢 喺劇集《帝女花》入面飾演崇禎皇帝，點知佢將「周卿家，幫朕再查嚇」講咗做「周卿家，幫朕check嚇」，嚇到觀眾個心都離一離。網民仲話皇帝可能唔知喺 邊頭學咗啲外語，大讚崇禎皇帝博學！而從此以後，「同朕check嚇」變咗都市金句，3歲到80歲都識講。
又穿崩…陳豪會唔會成為「穿崩王」？
明明著住白色鞋…
新劇再次穿崩！
而 今次佢喺新劇入面又有新搞作，又畀全能嘅網民發現穿崩位！劇情講到陳豪回想起10幾年前，爸爸因為被屈偷竊，最後決定跳樓自殺，仲跌正喺陳豪旁邊，受盡打 擊嘅陳豪去到醫院認屍時接近崩潰，走出去走廊嚟個嬲嬲豬指定動作「踢跌垃圾筒」，之後仲飛車追番個本身賣走咗嘅5歲細佬返嚟，睇到大家不知幾咁心噏。不 過，網民就發現陳豪由喺殮房入面著住對白色平底鞋，點知喺走廊踢垃圾筒竟然著住咗對型到爆行山高筒鞋，之後落樓下飛車追細佬，對鞋又變番做白色平底鞋，唔 通佢就係傳說中嘅「佢家嚇黃色衫，又變番著綠色衫」？網民仲問：「唔通佢對鞋會隨住心情而轉變？」、「著高筒踢垃圾筒唔怕踢親隻腳？」
出去換鞋踢垃圾筒咁安全？！
再換番平底鞋係咪追車都快啲？！
邵美琪又係好戲之人，真係冇得輸！
不過，雖然套劇有少少穿崩位，但係都畀網民讚「視帝陳」好戲，套劇仲有埋邵美琪，話曬之前邵美琪套《刀下留人》叫好叫坐，又係演技派嘅代表，唔少人都話好期待佢哋呢套新劇喎！
如果大家生活上有咩唔開心，可以搵番呢條片出嚟睇，心情應該會好番啲！
網民有話兒：
Wan Sing xxxx：佢家下（嚇）黃色衫，又變左（咗）做綠色衫。
Shing xxxx：唔係有隻鞋遇熱會變色嘅咩？
李xx：漸變鞋你地（哋）識咩呀？
STevexxxx：反光姐，角度問題，應該係。
Pinky xx：咁都比（畀）你地（哋）發現！衰左（咗）添！