玻璃心碎落一地，所以中共喉舌《人民日報》就於微博貼中國地圖，寫道：「中國的領土主權和海洋權益，不需要別人仲裁。中國、一點都不能少，一寸都不會讓」，再落埋hash tag「#中國一點都不能少」。幅圖以紅色去標誌「領土」，加埋五星旗嗰五粒黃星，而地圖上除咗標誌住「中國」嘅地方之外，仲有啲唔係中國，包括台灣等地嘅地方都被「染紅」。
好多星，平日甚少提政治嗰啲，今日，都有轉發呢個微博，包括李晨、范冰冰、張馨予、黃曉明等等，黃曉明揚言：「面對領土主權問題，我們就是這麼強勢！」佢哋都嚟自中國，有愛國心係可以理解嘅。
不過，港星王祖藍李亞男夫婦、向太陳嵐、楊玉梅、上海出生嘅琦琦，仲有上星期宣布婚訊嘅台灣男星霍建華，同埋一早去咗賺韓圜嘅韓國女團f(x)成員宋茜（Victoria）等人，都有轉發呢個微博。早於去年9月，中共大閱兵當日，王祖藍夫妻檔已經齊齊舉手致敬，今次轉貼強國領土地圖高呼：「一點都不能少！」不意外。
但身為台灣男星嘅霍建華咁講，係有少少怪怪哋，但人哋家陣喺內地拍劇大紅……有網民突破盲腸點出，霍建華係「是我見過唯一發這張圖片的台灣藝人」，再畀咗3個讚佢；而全文重點，喺宋茜度。
宋茜先後喺微博同Instagram轉發呢條「中國一點都不能少」嘅留言，Ig班台灣fans同香港fans實在唔buy，留言包括：
「真的很扯，再也不喜歡你了」
「哇！台灣甚麼時候變中國了？？」
「就不要來臺灣，臺灣來我肯定去現場噓」
「雖然喜歡你，但是由於我的立場，sorry」
「oh god the sea that's not your country, the sea is Vietnam's」
「大姐刪了吧！你這是把台灣粉絲都給扼殺掉了！這下子fx又有新聞可報」
呢單嘢到底係「愛國證明」定「關心災難」，大家可以自行定奪。
宋茜嘅「愛國」post，引嚟唔少fans反感。（網際網路圖片）
《人民日報》今日就南海主仲裁喺微博發言。
香港代表：李亞男
向太陳嵐
楊玉梅
琦琦
大陸代表：張馨予
黃曉明
李晨
劉詩詩
中韓代表：宋茜
韓庚
鹿晗
就連台灣都是大陸版圖的。 台灣代表：霍建華