是咁的
話說呢係小學果陣我D成績呢就不嬲都好勁,中英數常都九十幾分咁
但係一上到中學呢,唔知係自己廢左定懶左,結果科科都愈黎愈中庸,中英數變到僅僅合格
去到中四中五,我既中英文仍然keep到,反而數學已經fail到係二百分滿分入面拎六十幾分
但係去到中六,就算明知係去送死,我都想死得好睇D
至少都想拎到3322,證明自己呢六年,其實都有學到d野
所以我係syudy leave果陣日日都惡補數學,雖然b part我都仲係唔知佢講乜鳩,不過都盡力做哂a part
皇天不負有心人,前日拎到張cert,我數學竟然2左
係大家都覺得老夫數學係1,甚至我都以為自己唔合格既時候,我數學竟然2左
最後我憑住3323既成績,達到左自己心中既理想成績,亦覺得自己終於真係係中學畢業:~(
係呢到我想到同各位巴絲打講句,達到自己理想既同學就開心慶祝下,無謂同其他人比較,未達成既亦唔好放棄,為自己定一個新既目標就夠
最重要既係,人地比你既榮譽再多,都唔及自己比自己一個肯定