上禮拜係我生日, 咁我地果晚一齊去左慶祝啦,
去左中環食飯, 食完果陣佢就送埋禮物比我,
果陣覺得佢好有心機架, 因為份禮物包裝得咁靚,
佢仲講到我一定會好中意,
咁好啦, 返到屋企拆禮物啦, 係個某H字頭奢侈品牌嘅手袋,
雖然唔係最新款啦, 但都開心嘅,
但欣賞緊個袋果陣就覺得唔對路,
正常新買嘅手袋點都應該有陣皮味, 但佢送比我果個幾乎冇皮味,
直覺話我知佢送左個二手嘅比我,
琴晚約佢去食放題, 順便借啲意問下佢,
原本佢死都話係海港城間店買, 再比我chok多兩chok,
先死死氣話買左個二手手袋...........
其實都明佢唔想講真話, 始終佢都知我有啲介意用二手野,
但其實我真係寧願佢送個平平地嘅新手袋比我, 多過二手名牌袋.....
-------------------------------------------------
收名牌好多女性都會好開心，但收二手名牌又點睇?(網上圖片)
如果喺自己生日時收到男朋友送嘅名牌手袋，仲要係H字頭，真係好難好難唔開心死，但最近有位港女收到一個H名牌手袋，唔單止冇開心，仲相當不快添，嗱嗱嗱，大家唔好諗錯以為男友送假袋俾佢，而係男友送咗一個二手名牌手袋俾佢。
最近有位港女生日，咁佢男朋友當然會熱烈地同佢慶祝一番，兼細心為佢準備生日禮物，送一個開心快樂又難忘嘅生日回憶俾女朋友啦。男朋友先同港女去中環食生日飯，之後梗係奉上悉心為女友準備嘅生日禮物，仲好肯定咁同女友講:「你一定會好鍾意」。果然，神機妙算嘅男友知道港女嘅反應:「咁好啦，返到屋企拆禮物啦，係個某H字頭品牌手袋，雖然唔係最新款啦，但都開心嘅。」%
近排有位港女收到男友送出的二手名牌手袋。(網上圖片) %
「H字頭品牌手袋」，男友出到呢招，真係好難唔令女友開心喎，不過對大部份港女都為之瘋狂嘅「H字頭品牌手袋」喺呢位港女身上，並不討好喎，反而令港女非常煩惱，因為港女覺得個袋有問題:「但欣賞緊個袋嗰陣就覺得唔對路，正常新買嘅手袋點都應該有陣皮味，但佢送俾我嗰個幾乎冇皮味，直覺話我知佢送咗個二手嘅比我。」
網友們都係勁插港女嘅心態。(網上圖片)
到底男友係唔係買二手名牌手袋俾港女呢?港女日前同男友食飯時就直接問佢，男友喺港女再三追問之下，最終承認的確係買咗個二手袋俾佢，而港女之後就好介意此事︰「其實都明佢唔想講真話，始終佢都知我有啲介意用二手嘢，但其實我真係寧願佢送個平平地嘅新手袋俾我，多過二手.....」所以港女決定喺網上開Po大呻此事啦。
「H字頭品牌手袋」真係唔係個個買得起。(網上圖片)
雖然港女只係喺網上大呻自己好介意男友咁做，不過大部份網友似乎睇唔過眼港女嘅心態，不停留言勁插港女，問佢「平平地嘅定義係咩?」、「你都係二手你男友有無怪你?」、「大姐二手都唔平，你憑咩要佢送咁貴，佢份工賺好多?」、「你唔講，佢唔講，邊個知你用二手？」等留言。係囉，生日禮物只係一份心意，何需咁介懷呢?更何況情侶間唔應該係以物質行先的。