今日同大家講一個勵志嘅故事！
今年24歲嘅吳若希，出道以嚟，唔知點解，同各方世叔伯特別投緣，尤其同十哥林棣權，就更加關係密切，出道短短6年，吳若希就能夠住喺月租四萬嘅何文田豪宅君頤峰，出入揸200萬波子。
吳若希喺今年年初，有指對十哥忽冷忽熱，令十哥一怒之下，疑被沒收200萬波子兼斬纜，不過吳若希依然富貴，原來做咗公司董事，仲靜靜雞買咗架80萬、用自己生日日期做車牌嘅保母車代步。
之但係，呢個係勵志故仔嘛，咁……積極進取嘅吳若希，就梗係會好好安排自己嘅錢……前途，去舊迎新嘅佢，原來幾個月前就火速搭上年約30歲嘅澳門闊少Alex Ho，將年齡curve，係咁易拉番低少少咁啦！
隨著吳若希同Alex Ho秘遊曼谷，之後女方公開戀情，以為學吳若希話齋，從此可以正正常常生活，點知噚日就有讀者爆料，話Alex Ho原來有個正印女友Toby Sin，上年聖誕仲拍住拖去食日本菜。(新聞連結：http://bit.ly/29jjsFc )
啱啱先公開戀情，突然殺出個正印女友，平時行街都要戴口罩、作風低調嘅Alex，為保愛苗，噚晩11點幾就喺Ig發聲明：「本人Alex Ho在此發聲明，我和Toby Sin並沒有任何感情瓜葛(轇轕)。吳小姐並不是第三者！基於我和吳小姐感情剛剛開始，需要多點私人空間及大家的祝福。如再有任何誹謗及失實報道，會將此交給律師處理。不排除作出起訴。」至於吳若希，亦喺今日凌晨約兩點，轉載咗男友嘅聲明，再加多句：「如果被我發現你有咩呃我，你死梗！」
至於Toby Sin嘅Ig，亦喺今早將帳號改為私人，所以再見唔到佢嘅靚靚相同合照囉！好彩，都仲有有心人喺Toby轉private account之前，cap咗張佢喺今年情人節嗰陣，收到一大束玫瑰嘅相，相入面仲tag咗Alex Ho個名，亦即係話，喺今年情人節，Alex同Toby關係仲好好咁喎！
另一位有心人，就報料話上年12月尾，Alex有份入股嘅眼鏡店，喺澳門開分店嗰陣，請咗吳若希做剪綵嘉賓，原來Toby當日都喺現場，兩男一女就知係咩字啫，咁兩女一男，唔知又係咩呢呵！