探熱針 終於一露 半百馬蹄露：豬扒都可以係女神！
入行 28年，招牌生鬼唔係靠樣同身材搵食的馬蹄露，原來一直禾稈冚珍珠。踏入 49歲，忽然勇猛激露影寫真，將收埋多年的 body公開，自信十足。
除了 body戰鬥格，原來馬蹄露連食筍盤，前度包括曾在美國哈佛大學教數學的老外教授。由性 感寫真到獵食戰績，真係估佢唔到。
31A冇線照露
靚女冇份！但擅演丑角，巴辣又得騎呢亦可的馬蹄露，近期忽然露真章，繼去年台慶頒獎禮性 感示人後，近日在女攝影師 Daphne操刀下，激罕裸露！
估唔到年近五張，仍有如此「優勢」，皮膚白滑腰幼幼，雙手遮胸玩誘惑。由丑角變成賣性 感，反差大又出人意表。
因有自信，所以美麗！所以話之是名副其實的「冇線藝員」， 31A上圍平如 iPad，仍企硬唔加墊擴充，黑西裝開胸著， iPad胸冇肉冇線，但型爆！比起死谷爛谷的