「如果命運能選擇～」一聽到呢句，相信大家都識唱下一句，五年前播出慨無線劇集《天與地》，唔單止令呢首主題曲Hit爆全城，亦令劇中一眾少年演員成功彈出，其中飾演少年版陳豪慨楊潮凱，雖然演出經驗唔多，但相當好戲，當時更獲得網友一致好評。而楊潮凱都冇令網友失望，繼續努力演戲做好自己，近日喺電視劇《純熟意外》一改戲路慨演出，令唔少網友都留言大讚：「簡直令我眼前一亮！」
佬味濃電暈女粉絲
現年31歲慨楊潮凱，因為佢有BABY FACE，所以不時做學生角色，但佢今次為演好冷血殺手，專程留須，劇中仲經常著住皮褸揸機車，成陣佬味出曬嚟，Man到爆呀！而日前播出慨一集，講到佢要槍殺目標，身為神槍手慨佢自然百發百中，一槍KO目標，呢一幕迷到唔少女觀眾暈陀陀。
同孫慧雪演親熱戲恨死網民
唔少網友對於楊潮凱轉戲路感到驚喜，仲話睇得出佢有為角色下苦功，皆因佢為咗顯得冇咁