冇錯，大家真係恨唔到咁多，楊潮凱嘅努力冇白費到！
「如果命運能選擇～」一聽到呢句，相信大家都識唱下一句，五年前播出嘅無綫劇集《天與地》，唔單止令呢首主題曲Hit爆全城，亦令劇中一眾少年演員成功彈 出，其中飾演少年版陳豪嘅楊潮凱，雖然演出經驗唔多，但相當好戲，當時更獲得網友一致好評。而楊潮凱都冇令網友失望，繼續努力演戲做好自己，近日喺電視劇 《純熟意外》一改戲路嘅演出，令唔少網友都留言大讚：「簡直令我眼前一亮！」
佢呢一幕真係型到裂。
佬味濃電暈女粉絲
現年31歲嘅楊潮凱，因為 佢有BABY FACE，所以不時做學生角色，但佢今次為演好冷血殺手，專程留鬚，劇中仲經常著住皮褸揸機車，成陣佬味出曬嚟，Man到爆呀！而日前播出嘅一集，講到 佢要槍殺目標，身為神槍手嘅佢自然百發百中，一槍KO目標，呢一幕迷到唔少女觀眾暈陀陀。
楊潮凱留鬚之後同佢平時做開嘅「小朋友」角色真係好大分別！
同孫慧雪演親熱戲恨死網民
唔少網友對於楊潮凱轉戲路感到驚喜，仲話睇得出佢有為角色下苦功，皆因佢為咗顯得冇咁咁靚仔，特登壓低聲線去演出。劇中佢仲好好 福利添，有得同「宅男女神」孫慧雪做情侶之餘，仲要有唔少錫錫鏡 頭，難怪唔少網友都好「葡萄」，鬼叫這些機會不是屬於你哋咩！
爆紅只差一個機會 唔只喺《純》好搶鏡，其實楊潮凱喺今年播出嘅《EU超時任務》都同 樣好戲兼搶鏡，向來斯文嘅佢喺劇中做麻甩到爆嘅圍村仔「筲箕」， 一樣令人眼前一亮。唔少網友更鼓勵佢，留言指：「其實無綫真係有 唔少演技好好嘅人，只係需要個好角色等佢可以發光發亮。」
網民有話兒： XXXluvuvy：留鬚即刻成熟咗，佬味好濃！
C12345XXX：小鮮肉變成了酷酷的殺手。
XXXISCHAN：其實無綫真係有唔少演技好好嘅人，只係需要個好角 色等佢可以發光發亮，今次楊潮凱做到啦，睇好你之後嘅發展，要加 油呀！
mavislXXXXX：由《天與地》開始已經有留意佢，估唔到佢今次變 戲路都做得咁好。
文文XXX91：其實唔只呢套好戲，上一套《EU超時任務》佢做圍村 仔都勁眼前一亮！
但又有幾分可愛！
放開個女仔！！！！！
不過咁型…追到雪雪都真係唔難！
其實咁樣睇佢兩個都幾襯呀，會唔會試嚇現實都發展嚇呢～