不能相愛的一對，親愛像兩兄妹～唔係唔係，講笑啫！年紀差咁遠做兄妹都難啦其實！
啟華自己會唔會都覺得有少少亂呢？好心做不死人就乖乖哋唔好亂搞男女關係啦！
蔡思貝應該都嚇到個心離一離…
正所謂「人有相似」，娛樂圈咁大，藝人出現「撞樣」情況真係一啲都唔出奇，好似無綫小花蔡思貝咁，與網絡紅人達哥（林慧韡）撞樣撞到應一應，成個餅印一 樣。蔡思貝呢張「撞樣」名單仲陸續有嚟，好似藝人林師傑同關智斌都同佢撞到啪啪聲，估唔到連遠在日本嘅天王木村拓哉都有份，認真厲害！不過，思貝嘅「家 族」點止咁少人，原來仲有佢。
周聰慢慢解釋畀蔡思貝知…
原來周聰係吳啟華喺戰亂時候收養嘅…
年齡差咁遠都做得哥哥？
咪就係85歲嘅無綫「御用爺爺」、綠葉王周聰囉！大家實好疑惑，佢 同蔡思貝橫睇掂睇都唔似樣，年紀仲大咁多，直情可以做得蔡思貝嘅爺爺啦，點解會係佢「哥哥」？無綫劇集《純熟意外》日前播出嘅一集，講到喺吳啟華身邊做管 家嘅周聰，原來係啟華喺幾十年前戰亂時收養嘅孤兒，只不過啟華係不死人唔會變老，同周聰個樣嘅差距愈嚟愈遠，所以周聰只好隱藏佢嘅養子身份。
呢個咪周聰BB！好cute cute呀！
真係好後生咁喎…！
網友嚇窒消化唔到
周聰係吳啟華嘅養子，而蔡思貝就係吳啟華嘅親生女，理所當然佢哋咪係冇血緣關係嘅「兄妹」囉！嘩，85歲嘅周聰竟然係52歲嘅吳啟華個仔，真係一日唔死都有新聞！唔單止蔡思貝喺劇中嚇親，就連一班追劇嘅網友都嚇窒咗，大嗌「邊有可能」、「我接受唔到囉」。
劇情太有新意，難怪網友都一時之間消化唔到，人之常情。有人仲希望推翻劇情話：「其實結尾驚爆吳啟華係有妄想症，一切只係佢嘅幻想，就連思貝同周聰係『兄妹』關係、佢係不死人等等都係假㗎～YEAH！」
網民有話兒：
XXXXPak：80幾歲嘅呀伯竟然係40幾歲呀叔個仔？邊有可能？我接受唔到囉！
AndywoXX：蔡思貝又多個哥哥，不過今次呢個哥哥唔多似樣......
XXERICSXX：劇情有冇透露達哥係蔡思貝嘅同母異父哥哥？
KittttXXX：可能最後一集講，其實吳啟華有妄想症，所有嘢都係佢幻想出嚟，包括蔡思貝同周聰。