圈中不少藝人在患大病和遇上緊急事件時，幸好有身邊人發現出手相救，先可以化解危機，化險為夷！
歐陽震華
藝人歐陽震華（Bobby）在2013年大年初二相約好友謝天華、陶大宇等去圈外朋友家飯敘，期間因為食物落錯位導致急性肺炎送入ICU。之後Bobby接受黎芷珊電話專訪時，憶起當時反白眼同抽筋，還好袁偉豪立刻沖入廁所洗手，將自己手指給他咬，還叫他不要咬到舌頭。Bobby透露如果昏迷時間愈耐就會愈危險，有可能成為植物人！
謝霆鋒
歌手謝霆鋒於2012年在電視節目《最佳男主角》接受黎芷珊訪問時，自爆曾患皮膚癌。霆鋒透露當時為電影《十月圍城》剃頭時，經理人霍汶希（Mani）發現他頭上有粒黑痣，不過他就無理會。直至他再為電影剪短頭髮時，Mani發現他的黑痣變大，霆鋒才去檢查，事後發現是黑色素瘤，醫生說是皮膚癌，要立即處理，最終霆鋒入院做手術將黑色素瘤全部割除。
狄易達
歌手狄易達今年一月在Facebook自爆沖涼時突然之間暈倒，他說可能當時因為天氣太冷再加上休息不足夠，所以才會突然暈低，而他表示女友吳亞馨當時聽到巨響之後，即時沖入廁所救他，當他醒來的時候，就覺得有點頭痛。
歐陽震華曾經因為食物落錯位導致急性肺炎送入ICU。
謝霆鋒當年接受黎芷珊訪問時，透露患癌經過。
狄易達自爆沖涼嗰陣突然之間暈倒。
好在最後多得袁偉豪出手，歐陽震華先最後冇事！
謝霆鋒話佢頭上呢粒黑痣（紅圈），被發現系黑色素瘤。
不過好在吳亞馨及時發現，救咗狄易達。
歐陽震華出院嗰陣，佢太太（右）攬住佢喊。
霆鋒多謝佢經理人霍汶希，及時發現，令到佢可以入院做手術，最後才可以康復。