新聞人物周焯華，現身機場，但就冇回應係咪飛倫敦氹番Mandy。
太陽娛樂文化老闆周焯華（洗米華）與正印陳慧玲（Heidi）鬧出離婚後，早前洗米華在友人生日會上大唱情歌冧Heidi，似乎「復合有望」。
而有傳紅顏 知己Mandy Lieu在倫敦待產第二胎，更被指看完報道後大發雷霆，洗米華要急急回倫敦解畫。
今日晚上11時半左右，洗米華身穿全黑 打扮獨自現身機場，孭住背包的他，邊行邊講電話，離遠見到記者就行去一邊坐低兼講電話。
之後洗米華行去閘口，見到記者時更表示：「你哋做乜？」期間對於記 者提問，包括是否與Heidi和好、是否去英國同埋此行是否氹番Mandy時等，洗米華一概未有回應。而洗米華入閘前，記者重覆問他數次周太是否得一個 時，他只微笑，但未有回答。
周焯華呢身打扮好型。
周焯華全程電話不離手。
對於記者提問，周焯華完全冇答。
不過佢臨入閘前聽到「周太」兩個字，就笑笑口。
臨入閘前，周焯華係咁講電話。