其他影片：>>
一直傳懷第二胎慨Mandy Lieu，究竟為洗米華生咗慈姑碇未呢？洗米華喺兩星期前飛倫敦，盛傳佢陪Mandy Lieu待產，照計臨盆在即慨Mandy，應該系籮咁大個肚，不過有網民喺上月22日野生捕獲洗米華同Mandy，影咗相擺上微博，兩人均著黑色情侶look，不過相中慨Mandy蹺腳而坐，將白色手袋放喺膝頭哥上面，咁啱就遮咗佢個「大肚」！當時身在倫敦慨網民L小姐，喺Chatime影咗呢兩張相，一張系洗米華同Mandy並排而坐，但兩人表情向左走向右走，洗米華仲做出藐嘴樣，似乎唔多高興，另一張就系Mandy背對鏡頭，企喺旁邊慨洗米華低頭垂肩，一副聽教聽話慨樣。有網民留言「哈哈，宮鬥勝出，但沒看出恩愛」、「吵架中嗎」，而L小姐就回復「照片原因而已，看起來蠻好的。」不過亦有網民質疑Mandy系咪大肚：「真看不出肚子」、「這不可能吧，肚子呢？完全沒肚子」。前幾日洗米華就嚟香港出席活動，當時問到Mandy系咪已生B同幾時返香港？佢只系友善咁回望咗一眼，冇開金口回答。原來洗米華話咁快已返咗澳門，今日《蘋果》收到讀者「爆相爆片」，話洗米華喺澳門出席友人慨生日派對，繼續一身至愛黑色打扮現身慨洗米華，仲上埋台喺賓客面前高調亮相，擺出單手插袋慨chok look，笑容滿面心情大靚，唔知Mandy系咪真系生咗呢！
有大肚Mandy陪住，洗米華都曬藐嘴樣。(左圖:讀者提供圖片)
噚日出席友人生日P即笑曬…(讀者提供圖片)
玩得好開心…(讀者提供圖片)
(讀者提供圖片)
洗米華喺兩星期前飛倫敦，盛傳佢陪Mandy Lieu待產。
據知Mandy臨盆在即。