黃子恆現身電視台不久，裕美好友黎曉靈隨即在Facebook上載了一張烏龜的照片，繼而寫上：「I am so angry！縮頭烏龜。」再加多兩個憤怒慨公仔樣，似乎暗示黃子恆不負責任。
最新進展系黎曉靈發功。
黃子恆今日傍晚接受《蘋果》獨家訪問、表示認識裕美的時候，「佢同我講佢哋分開咗……我知道呢件事o依家影響咗好多人…好抱歉…唔該曬你哋，唔該曬。」(新聞連結：http://bit.ly/1sLvCvW )今晚九點幾，黃子恆返將軍澳電視城開廠拍劇，一早已有大批傳媒守候，黃子恆想避，不過最後都系停低︰「有啲嘢處理，仲有啲嘢處理緊，我暫時真系唔回應。」咁有冇同裕美聯絡？佢話：「由第一日開始，當然有通過電話，因為都想了解咩事，但好多嘢要做，唔該曬。」黃子恆話，當然唔會一直永遠唔回應，所以準備之後向大家一次過回應。問黃子恆可知道裕美丈夫Jason拍片？佢話:「我知有呢件事，但未睇過，唔好意思。」問及被拍得攬裕美條腰，黃子恆都系呢句:「我話咗遲啲一次過回應。」之後便匆匆入廠。黃子恆化完妝後再被追訪，又重申認識裕美時，對方同佢講已經同丈夫分開。問及有冇後悔同裕美一齊？黃子恆就唔肯講。
個樣有啲憔悴
黃子恆喺返電視城之前，被本報撞到應。（採訪、攝影：朱志聰、黃曉程）
簡單受訪後雙手合十離開。