外出用餐，很多人都會問餐廳店員拿一杯水。位於紅磡的老字號麵店沾仔記，在店內貼出告示，講明一杯水收費三元，凍飲或加冰的話要再加兩元、即五元，成為網 民熱話。紅磡沾仔記老闆至截稿前未有回覆，另一間沾仔記分店老闆則回應本刊指，紅磡店已不屬其家族成員擁有，表明：「唔知點解會發生咁嘅事出嚟，我哋其他 分店唔會咁做。」
日前，記者以食客身分到該麵店用餐，發現店內當眼處貼了三張 「清茶熱水每杯三元（凍飲或加冰需加兩元）」的告示。記者落單時指要兩杯水，對方稍有遲疑地指清水須額外收費，「三蚊一杯水。（要收錢？）係，三蚊一杯 水，要唔要？」問到店員收錢原因，對方無解釋只強調需要收費，「（為什麼要加錢？）係，我哋呢度嘅水係要收錢。」最後，記者付出三元，得到較普通茶餐廳提 供的免費水「大水」。
記者其後表明身份再到麵店查詢，當時老闆不在場。不願出鏡的女店員指，一切都是依老闆吩咐，「好多麵鋪係唔會畀茶水 你，就係咁簡單。講咩都無用，最緊要係畀錢嗰個OK就得。」她指收費政策實行最少兩年，從未收過顧客投訴或不滿，「通常你同佢（客人）講聲，佢就會唔要， 都無咩所謂。」她又指，不是經常見到老闆，「我諗都好難搵到他（老闆）去回應你。」但她未有進一步解釋收費原因、以及凍水為何額外多收兩元。
記 者及後再到訪位於佐敦廟街的沾仔記，麵店並沒有貼上同樣的收費告示。主理佐敦及大角咀中匯街分店的老闆黃先生向本刊指，「唔知點解佢（紅磡分店）會有呢個 新規矩，我都唔清楚。」沾仔記原為家族生意，不過原來紅磡分店已轉交了他人打理，「那邊嘅親友已移民，轉交咗畀佢拍檔做。一直咁多年都無問題嘅，唔知點解 會發生咁嘅事出來，我都唔係好明。」佐敦分店雖冇主動派水，不過黃先生指，若有客人需要亦會提供，「要水咪畀一杯佢，或者有老人家要食藥，大家都會將就 下。」
沾仔記由做車仔檔起家，之後在大角咀開鋪，更進駐中環威靈頓街及皇后大道中，至今共有7間分店，招牌菜為雲吞、鮮牛肉、鮮鯪魚球等配麵食。