無線劇《僵》上月播畢，不過網民依然對佢念念不忘，加上套劇留下好多伏線，似乎有機會拍續集。正當觀眾們都估緊有冇續集，此時現正熱播慨《純熟意外》，當中男主角吳啟華似足鄭嘉穎飾演慨「刑活著」啲FRIEND，即系不死人角色，唔通《僵》終於開拍續集？
其實大家都對吳啟華喺劇中慨真實身份有唔少揣測，唔少觀眾仲估佢系不死人，並列舉種種證據。首先，過往幾集閃現過吳啟華著古裝慨鏡頭，之後佢以現代LOOK、西裝骨骨出場，似乎由古代生存到依家，加上佢又講過自己有大把時間，符合曬不死人會長生不死慨特點。此外，第六集講到吳啟華遇上車禍，全身沾滿血跡，竟然死極都死唔去之餘，仲可以行返去屋企養傷，屈機到咁，難怪網友都話肯肯定佢系不死人，仲推斷《僵》未開估嗰四個不死人慨身份，原來其中一個就系吳啟華，咁《純》擺明系《僵》慨續集啦！
外星人？古代人？
正當大家一面倒認為吳啟華系不死人，又有心水清慨網友有唔同睇法，佢哋覺得吳啟華系由古代穿越到現代，不過失咗憶，被逼留喺現代追尋自己慨身份，仲指劇中佢啲舉動太唔似現代人，咁又好似有啲道理喎！不過，又有網友認為吳啟華畀撞車都死唔去，又識咁多嘢，其實系有超能力慨外星人就真，只不過佢隱藏身份，費事嚇親人啫。
網民有話兒：
ManFuXXX：《僵》有九個不死人，形活著，危耿，龐應天，同埋死咗兩個，未交代剩低四個，唔通《純熟意外》交代番？
XXXGoog：比（畀）車撞都死唔去，吳啟華肯定系不死人。
TsuiXXX：刑活著的朋友，刑在生！
韓勝X：個個都估錯，呢套唔系《僵》續集，系穿越劇就真，其實吳啟華由古代穿越到現代，不過失咗憶，而家先慢慢記得番。
LaiyinXXX：喬文傑學識淵博，畀車撞又冇咩事，好似有超能力，擺明佢同都敏俊xi一樣都系外星人啦！
畀車撞到周身傷。
頭幾集，有佢慨古裝look。
古裝都幾個look，想點先？
都死唔去。
莫非系穿越劇？
網民話系《僵》續集，仲話系刑活著啲friend，都系不死人！
唔通系不死人？
佢系古代人？
定系好似都敏俊xxi咁，系外星人呢？媽呀！好混亂呀！
相關新聞 :