男神冇拖拍就俾人叫「荀盤」，女神冇拖拍呢，就叫「黃金剩女」。娛圈中有啲女神，年紀都有返咁上下，雖然有事業有樣貌，但唔知點解就冇拖拍，搞到唔少人都為佢哋擔心呀！
薛凱琪
薛凱琪由少女變到熟女，就嚟都35歲啦，但感情依然未有著落。不過佢一啲都唔急，仲覺得愛情要嚟就會嚟，所以一切順其自然喎。
薛凱琪呢幾年勤力到系咁出歌，但都要俾自己唞下，俾啲時間自己搵另一半呀！
鍾欣潼
阿嬌緋聞雖然多，但自從同韓國男友K先生分手後，一直都系空窗期。阿嬌之後仲指因為K先生，令佢唔會再敢試異地戀。咁搞法，會唔會連拖都唔想拍架！
阿嬌有樣有事業，其實點解會仲未搵到男朋友呢？
陳法拉
之前傳陳法拉同Neway大少薛世恆分手後，法拉就一直都冇新戀情，甚至連緋聞男友都冇個，突然咁dry？
法拉去完讀書後，今年返嚟就同男神黃子華做舞台劇，咁邊有時間識男仔呀！
周麗淇
周麗淇轉眼間都37歲，連家姐周汶錡都已經生埋仔啦，原本仲以為佢同徐正曦可以開花結果，點知到最後都系分手收場！
愛情路上未能開花結果，不過事業卻春風得意，喺內地爆紅。
徐子珊
徐子珊離巢無線，自己創一番事業，仲有報導指佢有外籍男友，但當事人就否認！咁子珊你究竟幾時先會搵到真命天子呀？
徐子珊專心發展事業之餘，都要同啲好男仔發展下呀！
有邊個會鍾意做「剩女」呀，搵到個人愛自己，都不知幾咁幸福。上面果幾位，條件都唔差，會唔會因為太專注工作，先冇時間識男仔呢？