近年因為Social Media興起，關公災難都應運而生。
以前成日話咩「經驗」「經驗」，講緊嘅就係一種Judgement。
但自從Lancôme 7出國際之後，各大公司嘅高層都要承認
「有啲情況，你下屬嘅Judgement一定好過你。」
好肯定，如果當日Lancôme Post呢封聲明之前，
去問下全公司地位最低質歷最淺嘅一個Fresh Grad，
只要佢有上網習慣，都會同你講「個Post出咗死硬架喎。」
咁點解封聲明最後Post咗上Facebook page呢？
因為佢冇問個Fresh Grad囉；
或者問咗，然後唔信，拋多句：「你識條春咩。」
所以你明白，關公忙係有道理，
因為一班「高層人士」永遠覺得自己嘅判斷係最正確。
一睇佢個Facebook唔係食物相就係長輩圖，
然後教你點做Social Media，呢單嘢係同盲人騎馬差唔多。
時代會變人會老，喺一啲新嘢入面，你下屬嘅Judgement根本好過你。
你唔認，係驚冇咗個地位。
你唔信，係怕佢睇你唔起。
所以你唔畀佢話事，最後成間公司出事。
一個好嘅高層應該扶過下屬上去，而唔係踩住佢一齊沉落去。
唔係話你唔叻，你啲經驗緊有用。
不過，最明白20歲諗咩嘅人，
唔係有20年經驗嘅人，
而係同樣20歲嘅人。