Yoki網上自爆獲邀出席廿萬慨飯局！
《2016香港小姐競選》日前舉行首輪面試，唔少佳麗已火速被起底。當中稱曾任職Now TV慨模特兒Yoki Tong（唐碧霞）昨晚喺Facebook上上載電話截圖，指收到出席「內地商務飯局」慨邀請，對方更開價廿萬！不過，Yoki隨後又將該截圖刪除。
《東網》亦火速聯絡Yoki了解嚇，佢就話：「我覺得系唔尊重我，我一見到都有啲驚。其實最估唔到系對方知道我E-mail，唔知佢邊度搵出嚟。即使對方出到廿萬，我覺得無論系幾多錢都好，我都唔會出賣自己身體！」
姑媽過身成選港姐動力
另外Yoki又講到去年姑媽過身成為佢參選慨最大動力：「上年有個親人過咗身，即系我姑媽，佢都有一直留意我做模特兒慨工作，佢臨走時話好想睇到我喺舞台上發光發亮。其實我都知參選港姐會有好大好大慨壓力，會好快畀人起到底，又會有輿論上壓力，不過因為姑媽呢個心愿，畀到勇氣我踏出呢一步。」
原來Yoki曾喺Now TV做過體育節目主持，問點解佢唔參加自己公司嗰個選美真人騷《美選D.n.A.》，反而參加無線港姐？佢即刻賣口乖：「因為港姐歷史悠久，有代表性，我相信做港姐系好多個女仔由細到大慨夢想。」