相信大家都唔會忘記，藝人謝天華早年喺劇集《神槍狙擊》入面，一幕「徒手爬懸崖兼單手聽電話」慨經典場面。謝天華霸氣盡顯「為咗聽電話，你可以去到幾盡」慨神技，一直深深烙印喺觀眾心中。不過日前藝人陳山聰似乎想向謝天華挑機，喺新劇《純熟意外》入面，單手攬住個人飛落街，再一手捉住牆身死唔去，網民話佢已經超越咗謝天華慨境界，系新一代慨單手神人，仲幫佢起咗個強而有力慨稱號－「通臂神猿陳山聰」！
話說喺《純熟意外》第7集入面，有一幕系陳山聰同個女仔一齊跌咗落樓，之後陳山聰喺電光火石慨一刻，發揮佢「通臂神猿」慨神技，學網民話齋，佢完全系「第一秒轉身跳樓，上半身先出，之後下一秒用『反物理大法』，收番一半身位，再加多一隻手空出嚟，單單用幾隻手指，掂住個牆身，就唔再飛出去，精彩，精彩！」你可能會問，點解陳山聰可以喺空中不斷轉動自己慨身體，使出咁勁慨絕招？心水清慨網民就答到你喇！大家仲記唔記得啱啱做完嗰套劇集《僵》，陳山聰喺入面系殭屍慨大佬，周不時都飛嚟飛去，所以依家同你玩單手跳樓救人，其實真系唔難，可以話系濕料添。
令人期待的無線神人
所以話，無線除咗有「飛檐走壁關禮傑」（關禮傑曾經喺劇集《叛逃》入面使出飛天神技，輕鬆跳過兩棟樓！）；「一飛沖天去岑麗香」（岑麗香曾經喺劇集《火線下的江湖大佬》舞獅舞到一跳跳咗到出宇宙！）；再有雙腳揈揈邊爬懸崖邊聽丁生電話慨「單手神人謝天華」之外，再新增一個用幾隻手指、完全漠視物理定律救人慨「通臂神猿陳山聰」。嘩！真系好期待下一個神技會系啲咩呀！等唔切喇！
網民有話兒：
Barry Kxxx：精彩！第一秒轉身跳樓上半身出先， 下一秒用反物理大法收番一半身位再加多一隻手空出黎，touch住牆身就唔再飛出去，改變左（咗）物理既（慨）定律。精彩！神劇！
Edward Wxxx： 現實唔得，但拍劇就得，呢d（啲）先叫拍劇嘛，唔系仲有乜意思？
Harvey xxx：Ironman咪又系唔合理，拍戲姐！
Mun Wxx： 佢系凌風！呢套系《僵》！
Ethan Chxxxx：仲以為玩緊自拍。
成身都向下跌。
仲可以伸番只手上嚟。
只系掂住個牆身咋！
「通臂神猿」依個封號，非你莫屬喇！
神乎其技呀！
就可以撐住兩個人！
網民話佢一定系殭屍嚟！
飛檐走壁關禮傑
舞獅舞到上太空。
佢系一飛沖天去岑麗香。
當然唔少得，單手神人謝天華！
究竟無線仲會創造幾多個神人呢？好期待呀！